denbora kontuak
Haur ginelarik gure zapatak
ziren ametsen oinarri
zola gastatu, punta zikina,
ta
zintzilik bi lokarri.
Artean lotzen ez jakiteak
ez ninduen
jartzen larri
eskerrak zure esku abilak
topatzen nituen sarri.
Oroitzen zara nola zapatak
lotu ohi zenizkidan lehen?
Zalantza
daukat orain zureak
askaturik ote dauden.
Azkenaldian
koadrilatik
urrundu zara nabarmen
ta hareazko ordularia
irauli egin genuen.
Nik erloju bat erregalatu
nizun ohartu zintezen
nola harea
aleak beti
goitik behera doazen;
azken aldian zure
jarrera
zihoan gisan, hain zuzen...
baina erlojuko harea hura
basamortu bihurtu zen.
Ta erlojuko harea hura
basamortu bihurtzean
zure lorratzei
ihes egiten
saiatu zinen, funtsean;
baina lorratzak zuri
jarraika
segi zuten urruntzean
eskerrak itzal batek lagundu
egin zizun iluntzean.
Itzalak inoiz lagundu arren
min ere egingo dizu.
Ez jakitea
nahiago duzu;
hala ere, badakizu.
Gaua konplize bihurtu
zaizu
beraz lasai lo egizu,
baina berriro izango
zara
egunsentiaren izu.
Eguzki printzek esnatu egin
zaituzte, igual goizegi.
Zalantzan
zaude atzo abitu
zenuen bidean segi
edo bestela harrotasuna
jan, ta eman buelta erdi;
baina atzera joateko ere
ez al
da beranduegi?
Abitu zara, beranduegi
ez denaren esperantzaz.
Basamordua
zizelatuaz:
lorratzez eta zalantzaz.
nahastu denaren
goibeltasunez
ta haren gustu minkatzaz;
halere, bide
zuzenenetik
doanaren konfiantzaz.
Ez da ageri konfiantzarik
zure lorratzetara so:
zapaltzen
duzun itzala ezin
baituzu lurretik jaso,
gutxien uste duzun
unean
egingo dizu eraso.
Gugana heltzear zauden
unean,
lehenagotik akaso…
Inoiz eraso egiten badu,
hasi zaitez garrasika;
gure
laguntza behar baduzu
izango duzu beti ta.
Ta ez lotsatu zure
burua
inoiz ahul ikusita
guk ere itzal bana daukagu
zapata
zolei josita.
Jon Martin
Iruzkinak
Utzi iruzkina: