HAIZE BOLARAK

---

Haizearen lagun dira egunak

hurarekin batera estu kiribilduta azkar doazelako harrapaladan,

baina ez dira haizearen lagun bakarrak

haizeak ere badituelako beste lagun batzuk

"etapak" deituak.

Haizea, egunak eta etapak beraz,

hitz dezagun hauetaz eta hauen harremanaz.

Hasi gaitezen etapetaz, etapaz - etapa

hain monotomoak dira

Hasi - amaitu, amaitu - hasi,

honetan datzala hauen estribilloa,

beti dute oinarri bera, baina beraien barnean sartuz gero,

ohartzen zara beraien airean dabiltzan haize bolara desberdinetaz.

Noizbehinka, haize bolarak goxoak eta arinak izaten dira, 

gorputza garbitzen dutenak

lasaitasuna eta bakea berorekin ekarriaz,

baina badira zakarragoak direnak ere,

zure begiak hautsez betetzeaz arduratzen direnak

desatsegin halakoak.

Goxoak nahiz zakarrak izan bolarak, ordea,

haize izaten jarraitzen dute

naturako elementu izaten.

Haizearen esku banatik doaz bere lagun miñak

egun eta etapak

hirurak batera, zistu bizian

ohartzerako desagertuak.

Konturatzerako

etapa baten amaieraren amildegian aurkitzen zara

eta noski, beste baten hasieran

estribilloa betez,

hasi - amaitu, amaitu - hasi,

eta zu?

Zelan zaude zu?

Zer nolako bidaia izan duzu etaparen hasieratik amaierara?

Kontua da bidean haize bolarek nahasi zaituztela.

Tartean, batzuek aurrera egiten lagundu dizute

isilean eta ezkutuan,

zure bizkarretik bultzadatxo bat emanez.

Eta zer esan topo egin duzun haize bolara pisutsuez?

Frente, lehiakor 

eta desafioz agertu zaizkizun haiez?

Hala eta guztiz ere, 

etaparen amaieran zaude

beste bati ekiteko gogoz,

haize bolara goxoak aurkituko dituzun esperantzan

nahiz eta aurrekoen zama bizkarrean eraman.