Danbatekoa

Arineketan, ziztu bizian, eta bapatean... danbatekoa! Zementozko errealitate horma sendoena masail hezurraren kontra. Ezin intziririk egin, ezin aurpegi ona danbatekoan galdu. Tori errealitatea, heroina dosia, metadonak bukatu dira niretzako, toki honetan. Eta etorkizuneko monoei eutsi behar. Metadona asko geratzen zait baina oraindik etxeko ateetatik at! Danbatekoz danbateko egingo nau bideak, nik ez baitut bide hau ezagutzen.