Patrizioneko langileak I

Datorren urtean bi mendeurren garrantzitsu izango dira Legazpin. Batetik, 400 urte beteko dira Legazpi herriak Seguratik askatzea lortu zuenetik eta, ondorioz, "villa" kategoria lortu zuenetik. Bestetik, 100 urte beteko dira Patrizio Etxeberria lantegia sortu zenetik. Biak ala biak, mendeurren garrantzitsuak eta gogoratu beharrekoak herriaren bilakaerarako suposatu duten guztiarengatik.

Patrizio Etxeberria lantegiaren mendeurrena dela eta, seguru gaude libururen bat edo aterako dela Patrizioren irudia goraipatuz, enpresa-gizon bikaina izan zela adieraziz eta Legazpiren alde egindako hainbat ekintza eta ekintza azpimarratuz. Ez nago hain seguru, ordea, bestelako ikerketarik egin eta argitaratuko den, eta pena da, PESA, nahi ala ez, Legazpiko historiaren atal garrantzitsua izan delako. Zenbat istorio, bizipen, pasadizo, prozesu, borroka... ez ote ditu izan bere bizitza luzean?

ZingiZangotik zerbait egin nahiko genuke, baina zuen laguntza beharko dugu. Patrizio Etxeberria lantegiaren historia (bilakaera historikoa eta historia soziala) ezagutu beharra dago nondik gatozen jakiteko.

Oraingoan eskainiko duguna oso xumea da. Duela urte batzuk Lenburrek kartel bat atera zuen Lucio Vergarak Patrizioren langileei ateratako argazkiekin. Bada, kartel horretako erretratoak emango ditugu (aldika aldika) eta azpian bertan azaltzen diren gizon-emakumeen izenak. Denen izenak ez ditugu lortu, eta zuek horretan ere lagundu behar diguzue.

Langileak identifikatzen ordu asko pasa dituzte Eva Aztiria eta Esteban Alzelai ikerlariak. Orain arteko identifikazioak, beraz, horiei esker egin dira, gehienbat.


1. Leandro Kortaberria "porteroa" / 2. / 3. / 4.


1. Eustaquio Urzelai "sakristaua" / 2. Astaola? / 3. / 4.


1. Daniel Aranguren (Erraizabal) / 2. Juanito Aseginolaza / 3. Maria Etxeberria Aranburu / 4. Jesusa Alberdi


1. Julita Larrea / 2. Maria Osinalde / 3. Francisca Urzelai Urkiola "Kaskantiña" / 4. Maria Villarreal


1. Jose Zangitu (Gibola) / 2. Valentin Galdos (Eizear) / 3. Bittor Andueza Zangitu (Agirrezabal) / Esteban Kortaberria "Iturritxo" (Oñati)


1. / 2. Iñaxio Ugarte Azurmendi (Saletxe) / 3. / 4. Casto Portilla


1. / 2. / 3. (Zumarraga) / 4. Agapito Etxeberria