Erreka eguna 2007

Legazpiko ikastetxeetako ikasleek 2007ko Erreka Egunean parte hartzera animatzeko prestaturiko eskutitza eta iazko argazki bat:
Jaun / andere agurgarriak:
Haztegi Ikastolako, Domingo Agirre ikastetxeko eta Olazabal Institutoko  ikasleak gara eta irailaren 22an antolatuko den ERREKA EGUNera  gonbidatzen zaituztegu. Bertan Urola erreka garbituko da, ingurumenari lagunduz. Jarduera hau urtero egiten da eta herritarren partaidetza gabe ezinezkoa izango litzateke egun hau ospatzea. Asko eskertuko genizueke zuek ere bertara hurbiltzea erreka garbitzera, bertatik ateratzen den zikinkeria izugarria baita. Denon laguntzari esker garbi eta txukun uztea lortuko dugu, beste urteetan bezala. Lanean aritu direnentzat hamaiketakoa izango da eguerdi aldean. Bertan edariak eta pintxoak banatuko dira.
Animatu zaitezte ! Zain dezagun gure erreka eta kontutan hartu hamaiketakoa egongo dela !

ETORRI ETA ONDO PASA !  ESKERRIK ASKO!

Istripu asegurua egin ahal izateko aurretik izen-abizenak jakin behar ditugu.
Parte hartu nahi baduzu, zure datuak Domingo Agirre ikastetxera, Haztegi ikastolara edo Olazabal institutora eraman ditzakezu.