Badator Armen Alardea

Eman izena soldadu gisa ateratzeko legazpiarron egun handi honetan. Gure armak ez dute hiltzen, gure armak herria bizirik dagoela adierazteko dira, gu ere bagarela adierazteko. Hau festa bat da. Amaieran, gainera, partaide guztiak luntx batekin sarituko ditugu.

Eskopeta izatea nahitaezkoa da. Baita jantzi egokia ere: alkandora txuria, maonezko prakak, apreta beltzak, txapela eta gerriko beltza. Eman izena taberna hauetan: Haizea (Bikuña), Aurrera (Kale nagusia) eta Goiherri (Egialde).

Girotzen joateko hona hemen iazko Armen Alardearen irudi batzuk. Argazkiak Josu Altzelairenak dira eta muntaia Alarde Batzordearena. Bi minutu eskaseko iraupena du.