Antzerkia: Bota Patsa - Iker Galartza eta Joseba Usabiaga

Maitzak 18, ostirala, Iker Galartza eta Joseba Usabiaga izango ditugu Legazpin "Bota Patsa" antzezlanarekin Txalo produkzioaren eskutik. 22:30etan Latxartegi aretoan. Sarrera: 8,00€

 


Izerdia. Patsa. Izerdi-uharretan, bitsetan, lapetan… baina patsa. Izerdi likin, likits, larri, guruin… baina patsa. Izerdialdi, izerdikor, izerditan, izerditsu… baina patsa. Aukerak ez dira bakarrik etortzen. Kasualitateak ez du lekurik. Zorteak ez du indarrik. Opariak ez dira debalde. Patsa da bidea. Esfortzuaren patsa, sakrifizioaren patsa, nekearen patsa, kirolaren patsa. Nolako patsa, halako gizona. Patsa lehen, patsa orain eta patsa etorkizunean.
BOTA PATSA!!