blog batzuen berri

The Indezents

Mikel Alvarezen bloga asko irakurtzen dut. Gure unibertsitateko (HUHEZI) ikaslea izateaz gain, aurreko urtean blog onenari Goiena saria irabazi zuenetik, “engantxatuta” nauka. Bere Youtubeko kontura ere harpidetuta nago. Ideia majoak ditu mutil honek, baita irudi aproposak bere txokoa apaintzen. Egunero ez bada ere, artikulu entretenigarriak idazten ditut blogari honek: bideoak, argazkiak, aktualitatea, egiten diharduen kontuak... memoria bat balitz bezala. Gomendagarria.

TEKNOSEXUA

Gari Apaolazaren bloga. Berak dioenez: “Teknosexualak ez gara hain euskaldun arraroak: Tekno asko eta sexu gutxi”. Sofware librea, webgintza, google... orokorrean sarean mugitzen den gaietaz aritzen da Apaolaza. Irudiek, bideoek eta artikuluek apaintzen dute bere bloga. Horretaz gain, aktualitateko gaiak ere jorratzen ditu: Egunkariaren itxiera, Microsoftek Yahoo! Enpresa eroste nahia, dokumentalen berri... Podcastak ere entzugai daude. Irakurterrazak izateaz gain, artikuluak oso ondo antolatuta daude. Oso eskura eta begiarekin erraz identifikatzeko modukoak. Loturen erabileraz asko baliatzen da blogari hau eta hori, irakurleari informazio iturria zein den eskaintzea oso garrantzitsua iruditzen zait.

Periodistas 21

Kazetaritzaren mundua jorratzen duen bloga da honako hau. Aktualitatea ere jorratzen da: copia provada no es igual a canon, el primer AVE Madrid- Barcelona en directo, a Fidel Castro le falta el paso de la Democracia, el debate electoral mas casposo... Informazioa da gai nagusia orokorrean. Bloga ondo antolatua dago eta irakurtzeko atsegina da. Hala ere, nahiko konprimituta ikusten dut. Alegia, informazioa alde guztietatik ikusten da baina ez da erres identifikatzen gai bakoitza. Nik asko kontsultatzen dudan bloga da, lotura asko dituelako eta gomendatuko nuke.

Dicky del Hoyo

Komunikazio eredu berrien inguruan hitz egiten duen bloga eta blogaria da Dicky del Hoyo. Horretarako, bideoak, irudiak, logoak, argazkiak, artikuluak eta esaldiak erabiltzen ditu, bestak beste. Txoko oso interesgarria iruditzen zait. Autorearen komentario eta gogoetak kuriosoak iruditzen zaizkit eta zer pentsatu bultzatzeaz gain, informazioaren gaia pil-pilean dagoen gaia dela erakusten du Del Hoyok.

Flicker kontua du eta bere blogetik gerturatzeko aukera ematen du. Oso politak eta interesagarriak dira gainera. Antolakuntza oso ondo duela aitortzen dut eta bere idatziak irakurterrazak gertatzen dira.  

Baga, Biga, Bloga!

“Denetarik apur bat, ehun eta piku hitzetan, astean behin edo bitan. Gutxi barru neuk baino hobeto ezagutuko nauzue. Hemen aurkituko dituzun begitantziño hauei erantzutea daukazue; horixe nahi nuke, hain zuzen ere. On egin!” Honakoa dio blog honen sortzaileak. Eta horixe da bertan aurkitzen dena, alegia, denetarik apur bat. Oraintxe bertan aurkitu berri dudan bloga da eta begirada batez, irakurterraza eta oso ondo antolatuta dagoen bloga ematen du. Irudiak, bideoak, testuak eta musika letrak agertzen dira. Erakargarria esango nuke. Aktualiteko gaiez gain, aparteko kontuak ere badaude.

Gehiagotan sartzea erabaki dut, ea zer eskaintzen didan txoko honek.