Erraustearekin Gipuzkoa ez «zigortzeko» eskatu diote Aldundiari

Gipuzkoarrak errauste plantarekin ez «zigortzeko» eskatu diote Erraustearen Kontrako Gipuzkoako Taldeen Koordinakundeak eta Usurbilgo Itunak Gipuzkoako Foru Aldundiari. Etzi Donostian manifestazioa egingo da, Moratoria. Errauste plantarik ez lelopean, 12:00etan, eta hara joateko deia ere egin dute. «Sei urteko luzapenarekin, erakutsiko dugu atez ateko bilketarekin emaitza paregabeak lortzen direla», adierazi dute: «Gipuzkoan hondakinen kudeaketa garbi eta osasuntsua egin daiteke». Salatu dute, bestalde, EITBk «erretiratu eta isilarazi» egin dituela manifestaziora dei egiten zuten soinu deiak.