Azkoiti-Azpeiti maratoi erdia

---

Bero kiskalgarria izan zen larunbatean, martxoak 29, Diego Garciaren omenezko Azkoiti-Azpeiti maratoi erdian. 1200 bat lagunek zuten dortsala, baina bidean hainbatek utzi zuten lasterketa, beroa zela, hanketako minak zirela...
Bideoa: http://www.bultzsport.com/content/blogsection/39/215/lang,es/


21 km eta 200 metro mendiz inguratutako ibilbide ederrean. 16:30ean hasi zen lasterketa eta lehen metroetan nabaria zen beroa eta haizea izango zirela etsai nagusi. Egarriak bete-betean jo zituen asko, hasi orduko.

Lasterketa oso azkar joan zen lehen 10 kilometroetan. 11. kilometrora iristean Loiolan bildu ziren jarraitzaileek airean eraman zituzten korrikalariak, oihuka eta txaloka. Hortik aurrera, Azpeitian barrena egin beharreko bigarren itzulia izan zen gogorrena.


Sailkapena argitaratu dute baina jendea falta dela ikusi dugu. Antolatzaileekin hitz egin berri dugu eta esan digutenez, guztira 889 lagunek amaitu zuten proba, 52 emakumek eta 837 mutilek. Sailkapenean jasotakoa baino jende gehiagok egin zuen, ordea, lasterketa. Zer gertatu da? Bada korrikalari askok dendetan izena eman ondoren, irteeran ez zutela chip-a hartu. Horregatik, hainbat elgoibartar (Martin Dominguez...) ez dira sailkapenean ageri.


Nolanahi ere, William Chebor (1:03:00) eta Margaret Atudonyang (1:13:32) kenyarrek aise irabazi zuten lasterketa. Joan den urteko errekorrik baina, ez dute hautsi. Antolatzaileek esan digutenez, beroagatik eta haizearengatik izan dira aurtengo markak joan den urtekoak baino kaskarragoak.



Esan dugunez, sailkapenean 50 bat lagunen denborak falta dira, chip-ik gabe korritu zutelako, eta tartean hainbat elgoibartar ere badira. Gure herritik 3 neskak eta 12 mutilek amaitu zuten proba. Beste batzuek chip-ik gabe amaitu zuten (Martin Dominguezek...) eta zenbaitek bertan behera utzi zuten lasterketa (Elias Fernandezek, Jose Antonio Ruizek, Aguillok...). Hona hemen sailkapena:

Neskak:

Postua	Izena	Denbora
10	Maider Lehr	1:34:19
22	Ainhoa Lendinez	1:43:04
31	Mari Carmen Isasti	1:49:01

Mutilak:
68         Unai Narbaiza       1:21:07

Postua	Izena	Denbora
163	David Conde	1:26:02
164	Iñigo Salegi	1:26:02
196	Alberto Garate	1:27:22
392	Asier Arrieta	1:34:36
419	Aitor Osoro	1:36:10
494	Kerman Moreno	1:38:39
647	Javi Fernandez	1:43:04
656	Modesto Cid	1:43:51
698	Juanjo Gurrutxaga	1:46:03
721	Javier Oñederra	1:46:37
744	Javier Agirrebeña	1:47:51
773	Thomas Gonzalez	1:49:35

Sailkapen osoa: www.championchipnorte.com
Argazki gehiago: www.bultzsport.com eta www.festak.com