III. San Silbestre lasterketa, Elgoibarren

Urgazi Triatloi Taldeak (Elgoibarko Udal Kirol Patronatuaren babesarekin) hirugarrenez antolatuko du aurten San Silbestre lasterketa herrikoia. Urteko azken eguna berezia izaten da berez eta hori kontuan hartuta, kirola eginez eta lagun arteko giroan agurtu nahi ditugu urte zaharra eta berria. Aurten ere, hasitako tradizio horri eutsi nahi diogu eta San Silbestre lasterketa antolatzen hasi gara.

Lasterketaren nondik norakoak

            Lasterketa erabat herrikoia izango da. Parte hartzen dutenek ez dute ezer ordainduko eta dortsalik eta saririk ere ez da egongo. Izan ere, horiek antolatzen hasi ginenean ikusi genuen dortsalek eta sariek jendea lehiara bultzatuko zutela eta ez dela hori gure asmoa. 5 km inguruko ibilbide erraz eta ezagunean ahalik eta elgoibartar gehien biltzea da gure nahia, lehiarako badirelako beste hamaika lasterketa urte osoan. Lasterketa herritar guztientzat izango da, profesional nahiz amateurrentzat. Adin orotako jendeak parte hartzea nahi dugu, baina beti bezala, parte-hartzaileei gutxieneko prestakuntza fisikoa izan dezaten eskatu nahi diegu, gorabeherarik gerta ez dadin.

Lasterketa Plaza Handian hasiko da, 17:00etan.

Ibilbidea (obrengatik, litekeena da zatiren bat aldatu behar izatea):

Luzera: 5 km inguru.

Ibilbidea:

Irteera: Plaza Handia

Santa Ana kalerantz

"Ametsa" tabernako bidegurutzean gora

San Ignazio kalea

Santa Anako bidegurutzea

Tren Geltokiaren kalea

Anbulatorioa

Txarriduna hotelaren atzetik Artetxera

San Pedro auzoa

San Antolingo aldapa

San Antolin gainean buelta eman

San Pedro auzoa

Artetxe

Txarriduna hotelaren atzetik

Anbulatorioa

Taxien geltokia

Errosario Kalea

Santa Ana kalea

Tren Geltokiaren kalea

Anbulatorioa

Madalako parkea

San Frantzisko kalea

San Bartolome kalea

Helmuga: Plaza Handia