1881 lagun, 3 hondartzetako lasterketan

Joan den jai-zubian, hainbat lasterketa izan dira Euskal Herrian. Arrakastatsuenetakoa atzo, urriak 14, Donostian. 1881 lagunek hartu zuten parte Amstel 3 hondartzetako lasterketa ezagunean; 301 neskak eta 1580 mutilek. Haizearen Orrazitik Saguesera, 10 kilometroko ibilbide zoragarria osatu zuten korrikalariek. Ikusteko nahiz parte hartzeko lasterketa aparta izan zen atzokoa. Antolatzaileek esan digutenez, hainbat gorabehera izan zen hala ere. Esaterako, acuariumean hainbat korrikalarik Urgull menditik egin zuten bidea, jende pilaketagatik lasterketa denbora luzez eten zelako. Batzuek beraz, ibilbide luzetxoagoa egin zuten.

Hala ere, lasterketa arrakastatsua izan zen zinez. 33 elgoibartarrek hartu zuten parte atzokoan, 3 neskak eta 30 mutilek. Azpimarragarria da oso Urgaziko kide Jose Antonio Ruiz del Reyk egindako denbora: 13. postuan sailkatu zen eta 34 minutu eta 7 segundo behar izan zituen helmugaratzeko. Lasterketa Kamel Zianik irabazi zuen (30:31). Nesketan, berriz, Rakel Llamas izan zen lehena (37:11).

 Emakumezkoen sailkapena:

 Gizonezkoen sailkapena:

Honi lotutako berriak: http://www.cross3playas.com

Argazki gehiago: http://donostiarrak.com/index.php?option=com_zoom&Itemid=27&page=view&catid=65&key=17&hit=1