NON DOMUIRANT VASCONES

---

                                                   I

MOJE “GALTZAILEAK”

Jeisten dira tenplutik

bizi osoa ikasten ematen duten

burusoil jakintsuak

Benetako Ikaskizuna

jakinik

existentziaren mugaeza gozatzeko

inongo desira zikinik gabe

haizeak eramana izatea

uzten den udaberriko

xoriño zoriontsua bezala

antigoaleko zuhaitzen hizkuntza ederra

erabat atzemanda

jadanik errekasto bihurrien moduan

euren gorputza ere kontrolatzen

(L)amaren aginduak sendoki betez

borobilaren bideari jarraiki

mendien handitasun jainkotiarra

inurrien ordena perfektua

hodeien artelan zoragarriak

harritxoen geldotasun lasaigarria

katutxo jaio berrien askatasun sinesgaitza

eguzkiaren islada aurrekoaren buru dizdiratsuan

miresten

jeisten

dira

gaur etorriko baitira

Etsaiak

euren bizimodu baketsua

gudarazten

gaur odolaren gorria

isuriko da

Egilearen putzek orrazturiko

belardi bedeinkatuen gainean

baina

beraiek badakite

euren heriotza ere

beharrezkoa izango dela

biharamunean

zizareek ere

jateko zerbait izan dezaten

biharamunean

lurra gozo dadin

lili berrientzako

biharamunean

sarraskijaleek ere

bizitzeko eskubidea

badutelako,

biharamunean

senideek ere

ikasgai benetan sakon bat

oroit dezaten

bideari jarrai diezaioten

biharko

gazte artezak

biharamunean

Argituaren bidea

segituko dutenek.

Biharamunean,

Naturaren xirula armoniatsuak

beren bidezidor baketsuari

obaba eztizkoena

jo diezaien

beren arimen

erdian.

                                                                 U. K. Twa