KATUAREN (B)EGIAK

                                                     I

                                      HILDAKO KATUARI

Kaioak negarrez itsasaldean

Itsasoa bare-bare egoala

zeruan hedoiak ilunak zirala

Domeka ituneko biharamunean.

Mitxoletak, txori kantariak be,

ta penaz mendian zetzazan zugatzak,

haizeak eroiazan barri latzak.

- Laguntxu, guztiek goratu haunee...

Txakurrek nahastuta higaitik itaun

eta Eguzki, konturatu baizen laister

laino artean egin don jaube ta jaun.

Amalurrak magalean hartu hauna

eta izadiaren obaba soinuaz

heure gorputxuak loak hartu jona.

Txo Etxagaldu