AMESGAIZTOAK

---

                                                   II

KOSMOS

Nor izan da guzti honen

arkitektoa

handiena txikienean

eta

txikiena handienean

jarri duen

jakintsu hori

uler dezagun bere

betiereko

borobilaren

joko

borobila

atomoaren makrokosmosa

txikitasun erlatibo batean

estaltzen duena

unibertsoaren txikitasuna

gure begiei

estali gurean

inoiz pentsa dezakegu

gu

unibertsoaren zilbota garela

ja

handitasun erlatibo batez

horditurik

inoiz pentsa dezakegu

gu

atomoaren barruko elektroiak

baino askoz txikiagoak garela

ikustezinak

beste izaki handiuste batzuentzako

Arkitektua bera

baino

Arkitektuago

izaten saiatzen diren izaki

ezgauzak

beren arazoak konpontzeko ere

gauza ez direnak

betiereko adarjotzea

inoiz aurkituko ez dugun

Egia

baten bila

betiere

gure begiek ikusten ez duten

paradoxa barregarrienaren

biktimak,

geure burua ikusteko

ezintasun kosmikoa;

komikoa.