Kultura-kontseilariak

Kultura-kontseilariak zure gorputzetik artaldean aterako balira lez

kafeinarik gabeko programazio populugaleak diseinatzen

badakizue

domeka arratsaldeetarako pilula dosifikatuak

astelehenera psikiatriaren beharrik gabe heldu ahal izateko.

Debekatuta dago mugiezintasuna

hilda ez bazaude behintzat

baina orduan zergatik biratzen da Lurra

betiko eguzki berbera ikusteko.

Kultura-kontseilariak aholku eske

ez baita erraza monotonia programatzea

galaxia urrunak deskubritzea balitz lez salduta

komediak ere tragikoak dira familia ospakizunetan

alferrik da aharrausiak ongarritzea

zeren polboroiak beti dira polboroi

batez ere iraultza gaur egun sudokua amaitzea denean

eta botoa ematea denak berdin jarrai dezan.

Kultura-kontseilariak metro-geltokietako ateetan

bidaia sedimentarioak bedeinkatzen

zeren izokinak oker daude

ezin da egin hainbeste kilometro itsasoz itsaso

gida turistikorik gabe

eta nori bururatzen zaio hiltzeko bidaiatzea

hobe da hilik bidaiatzea

galdera arriskutsuak egin gabe.

Kultura-kontseilariak kultura dinamitatzen

eta zein erosoa den etorkizunean ez pentsatzea.

Ron Sniakin