Ergel konpletoa

Goizean goiz

gimnasiora noa

nire minak indartzeko.

Gero,

globalizazioaren aurkako txioak idazten ditut

Zelanda Berriko kiwiak

eta Peruko ahuakateak

gosaltzen ditudan bitartean.

Sukaldaritza gustatzen zait

baina telebistako programetan

zeren zertarako hasi ontziak zikintzen

jatetxeei jaten eman behar zaie.

Hori bai,

ez dut afaltzen,

eta barau horien ordainetan

urtean behin sikeran ere

mitxelindun jatetxeetara noa

plater-desfile anorexikoa ordaintzera.

Ideologian iraultzailea naiz

baina maila teorikoan

zeren oso zaila da

teoria eta patrika uztartzea.

Nazioarteko politikan

putakume baten alde egiten dut

putakume handiago bati

aurre egiten diolako,

eta horri koherentzia deitzen diot.

Gabonak gorroto ditut,

baina, badaezpada,

loteria erosten dut.

Eta ergel konpletoa izateko,

inspiratuta sentitzen naizenean,

poesiak idazten ditut

literaturaz ideia zipitzik

ez dudan arren.

 Bernardo Kapanaga