Iban Arantzabal HUHEZIn

Azaroaren 8an, HUHEZIn Iban Arantzabalen hitzaldia eduki genuen. Gainera, orokorrean berak esandakoa interesgarria iruditu zitzaidan.

Iban Arantzabal Elgetakoa da. Irakasle ikasketak egin zituen HUHEZIn eta ondoren EHUn euskal filologian lizentziatu zen. Goienkaria eta sustaturen sorreran parte hartu zuen editore lanetan. Goienan telematikako burua izan zen hiru edo lau urtez, eta gaur egun, ikus-entzunezkoak eramaten ditu.

Hasteko, editore lana zein den azaldu zigun. Ondoren, Interneteko abantailei buruz ere aritu zitzaigun hizketan. Internet oso sare zabala dela esan zigun, eta guk gure blogetan idatzitakoak edozeinek edozein tokitatik irakur dezakeela zioen, eta hala da.

Gaur egun, blogak daukaten garrantziaz ere hitzegin zigun. Blogetan hainbat informazio elkartrukatu eta iritzi desberdinak eman baititzakegu. Bestalde, euskaraz idatziaz gure hizkuntza ere sustatzen dugu. Horregatik, unibertsitatean daukagun blogaz aparte, guk geure beste blog bat sortzera bultzatu zigun.

Internet Explorer erabili beharrean, Firefox erabiltzeko esan zigun. Software librea delako.

Bukatzeko, esan beharra daukat, oso gustura egon nitzela hitzaldian, ez nekizkien gauza batzuetaz mintzatu zelako.

Eta amaitzeko, “egunero zerbait ikasten da” esaldiarekin geldituko naiz, hitzaldian gauza berri asko ikasi nituelako.