Hawad-en Azawad

---

 

Azawad,

isiltasunaren ertzak

mastekatzen,

eta begi-bistakoa denari

begiak itsasten.

Aurpegiak ispilu hautsiak

emakumeen, eta haurren potretak

sutara jaurtitako gizonen lurra

suaren egonezinaren

lokatzetan belaunikatuenak.

Gosea egarria erraietan

harriz beterikoetan,

gerorako bidaiarako hornidura

hilobiko hilarrirako.

Tuaregen basamortuan,

urrea dago, eta petrolioa, eta ikatza, eta gasa

eta uranio beldurgarria,

eta bakardadea

eskubide ezaren, eta gehiegikeriaren aurrean.

Beltzuntza

zure begirada desarmatua.

Eklipsea.

Beharrezkoa da itzaltzea

zure begirada Azawad.

Zure izatea traba da.

Epaileek ez dute

zure testigantza beharrik.

Ordena ordena da,

eta egia aparteko zerbait.

Tuaregen beharrik ez

Sahara zaintzeko.

Joko-eremuan ·gorrien· ehiza

debekualdia altxa da.

Tinbuktu, Gao, Kidal

Tchin Tabaraden Agadez In Gall

Tamanrasset Ghat Ghadames

harea, airea, lurra

Sahara galdua

Tuaregen denda zerumuga amildu da

obus eta bonben burkaren azpian.

Isiltasuna!

Eta isiltasuna ere isildu da.

Eta birrintzen dituzte biziak eta hilak,

abereak haranak mendiak,

Tanke autokanoien teilatupe berean,

helikoptero andana,

amesgaiztoak, dronak, parrastadak

gringo frankauiak.

Gaur Sahara eta Sahel-eko

zeruetan

ez da bele edo sairik

dronak eta leherketak

bakarrik.

 

(...)

 

 

Hawad. Dans la nasse (egokitua)

Tamazgha.fr, 2013-10-21