Haizearen seme-alabak

Haizearen eremua da mortua. Aske dabil hara eta hona, hondarrak, akazia hosto zorrotzak, izarrak, eta tuaregen dendak, eta beloak astinduz.

Haizeak sortzen ditu desertuko paisaia desberdinak, dunak nahi erara itxuraldatuz , hondarrezko mendiak batzuetan gozo igurtziz, besteetan gogor kolpatuz.

Haizea da, basamortuan, askatasunaren ikurra,ez inork, ez ezerk, ezin baitio mugarik jarri.

Lurralde eremu zabalenetan, aske dabil dantza eroan, zurrunbiloak sortuz, hareak harrotuz, haur tamachack-en azala ferekatuz, emakumeen zapi peko gorputzak kilimatuz, gizonen betile urdin ederrekin olgatuz.

Ez da geldirik egongo den haizerik. Nomada da haizea, etenik gabe, noraezean dabil, beti.

Poteretsua da, menderaezina, bortitza, leuna, moldakaitza, zabala, indartsua, askea.

Haizearen seme-alabak, deitzen diote euren buruari tuaregek.