Like A Rolling Stone VII: Oasis
Aurreko astean Ben Harper kaliforniarraz aritu ondoren. Aste honetako Like A Rolling Stone tartean berriz ere talde batez arituko gara. Horretaz gain, kontinente zaharrera itzuliko gara eta gure hurrengo parada Britainia Handia izango da berriz ere.
Coldplay taldeaz aritu ginen orain aste batzuk tarte honetan eta berriz ere Brit Poparen mundura gerturatuko gara azken hamarkadetako talderik garrantzitsuenetako baten bila. Gaurkoan, Gallagher anaiez arituko gara. Like A Rolling Stone tartean, Oasis.
Oasis, edo hasieran ezagun ziren moduan, The Rain 1991 urtean sortu zuten Manchesterren Paul McGuigan baxujoleak, Paul Arthurs kitarjoleak, Tony McCarroll baterijoleak eta Chris Hutton kantariak. Hasierako kontzertuen ostean taldekideak ez zeuden oso gustora Hutton kantariaren lanarekin eta taldetik kaleratua izan zen. Proba batzuen ondorioz, kantari berri bat sartu zen taldean, Liam Gallagher izena zuen.
The Rain taldea kontzertuak eskaintzen ari zen Manchester inguruan eta Boardwalk Clubean ospatutako batean ikusle berezi bat izan zuten. Noel Gallagher (Liam kantariaren anaia) ikusleen artean zegoen soinu teknikari moduan Inspiral Carpets taldearen bira bat amaitu berri.
Kontzertua amaitu ostean, kamerinora satu zen Noel eta inolako lotsarik gabe hurrengoa bota zien The Rain taldekoei: “Edo kantuak idazten uzten didazue eta rock izar bilakatzen gara edo Manchesterren geratzen zarete bizi guztirako zuen bizi tristeekin”.
Gauzak horrela, Noel taldean sartu zen eta taldeak izena aldatu zuen. Egun hartatik aurrera Oasis moduan izango ziren ezagunak.
Manchester inguruan ezagun egiten ari ziren Oasisekoak eta Glasgow aldera kontzertu bat eskaintzera joateko aukera sortu zitzaien. Han, Creation disketxeko Alan McGee zegoen eta harrituta geratu zen Manchesterreko gazte haien musikarekin.
Creation disketxearekin argitaratu zituzten Supersonic eta Shakemaker singleak eta hauei esker Britainia Handiko zerrendetan agertzen hasi zen Oasisen izena. Geroago, Live Forever singlea agertu zen eta honi esker Erresuma Batu osoan ezagun egin ziren Manchesterrekoak.
Single hauekin lortutako sona probestuz Definitely Maybe diska argitaratu zuten 1994an eta Britainia Handiko zerrendetako lehen postuan kokatu ziren. Horretaz gain, sekula irletan azkarren saldu zen debut lana izan zen.
Diska horretakoa dugu, musika munduan lehen bultzada eman zien Live Forever hau.
2-. (WHAT'S THE STORY) MORNING GLORY?
Esan bezala, diska honek harrera izugarria izan zuen eta orduan hasi ziren Noel eta Liam anaien arteko iskanbilak. Noelek taldea utzi zuen haserraldi baten ostean baina managerra bide zela, anaia zaharrena taldera itzultzea lortu zuten.
1995ean diska berria grabatzen hasi zen taldea eta lehen saioen ondoren, Tony McCarroll baterijolea kaleratua izan zen. Noelen hitzetan ez zuen gaitasunik kantu konplexuagoak jotzeko eta Alan White sartu zen bere partez.
Taldeak (What’s the Story) Morning Glory? diska kaleratu zuen eta Definitely Mayberen emaitzak hobetu zituen. Erresuma Batuaren historian kopia gehien saldu dituen bigarren diska dugu oraindik What’s The Story. Aurretik Beatles taldea dute Sgt. Pepper’s Lonely Hearts Club Band lanarekin. Lorpen hau dela eta Beatles berriak moduan ezagun egiten hasi ziren munduan.
Oasisek goruntz jarraitzen zuen eta 20 miloi kopia saldu ondoen, une horretan munduan zegoen talderik ezagunena zen. Diska mitiko hartakoa da jarraian entzungo dugun kantua. Don’t Look Back in Anger Noel Gallagherren ahotsean.
Anaien eta taldekideen arteko istiluak betiko moduan jarraitzen zuten baina urteko diskarik garrantzitsuena kaleratu ostean, denbora galdu gabe sartu ziren estudiora hurrengo lana grabatzera.
Be Here Now izena jarri zioten eta Abbey Road studioetan grabatu zuten. Lehen singela, D’You Know What I Mean? Alegia zerrendetako gailurrean egon zen eta diska bera, Britainia Handian sekula azkarren saldu den diskan bilakatu zen.
Hala ere, Be Here Now lanak lortutako emaitzak ez ziren (What’s the Story) Morning Glory? lanak lortutakoen mailara iritsi eta nahiz eta hasieran kritika onak jaso zituen, gerora taldekideek beraiek gutxietxi izan duten diska bat izan da. Liamen hitzetan Rockan Rollari estafa bat izan zen.
Diska horretakoak dira baita ere zerrenden gailurrera iritsi ziren Stand By Me eta jarraian entzungo dugun All Around the World.
4.- STANDING ON THE SHOULDER OF GIANTS
1999an urte sabatiko baten ostean taldea berriz biltzen da laugarren lan bat grabatzeko asmoz. Hala ere, grabaketak hasi aurretik Paul Arthurs kitarjoleak taldea uzti zuen familiarekin denbora gehiago pasa nahi zuelako eta Paul McGuigan Baxujoleak ere agur esan zuen ez haina rrazoi politengatik.
Taldekideen arteko harremanak istilutsua izaten jarraitzen zuen eta jende berria taldean sartzen hasi beharrean, diska berria geratzen ziren hiruen artean grabatzea erabaki zuten. Arthurs eta McGuiganen lana Noel berak egin zuen eta grabazioak amaitu ostean bi Paulen lekuak bete zituzten.
Lehendabizi Heavy Stereo taldeko Gem Archer kitarjolea sartu zen taldean eta jarraian Ride taldeko Andy Bell baxujole moduan nahiz eta ordurarte kitarjolea izan zen.
2000 urtean Standing on the Shoulder of Giants lana kaleratu zuten eta nahiz eta salmentak ez ziren txarrak izan, kritikoek ez zioten jaramonik egin lan berriari. Experimental moduan definitu zuten eta Oasis zena galtzen ari zenaren iritzia zuten.
Diska honetan sartu zuten lehen aldiz Noelena ez zen kantu bat. Bere anaia Liamek sinatu zuen eta Little James izena zuen.
Hiru single atera ziren Standing on the Shoulder of Giants diskatik: Who Feels Love?, Sunday Morning Call eta jarraian entzungo dugun, Go Let It Out.
2001 urtea gaizki hasi zen Oasisentzat. Bi anaiek betiko istilluekin jarraitzen zuten eta eta taldea banandu egingo zenaren zurrumurruak behin eta berriz agertzen ziren. Garai hartan kaleratu zuten Familiar to Millions zuzeneko lana eta zurrumurruak zurrumurru hurrengo diskan lanean hasi zen taldea.
Lan berria Heathen Chemistry izan zen eta ez zuen harrera txarra izan. The Indu Times, Litle by Litle edo songbird bezalako kantuak zerrendetako goiko lekuetan izan ziren baina urte hauek ezagunagoak izan ziren taldeko arazoengatik Heathen Chemistry diskagatik baino.
Diska ezagutzera emateko Europan zehar bira bat antolatu zuten baina mozkorrak, borrokak eta auto istripuak medio zirela kontzertu bat baino gehaigo bertan behera utzi zituzten.
Behin bira amaituta Alan White baterijoleak taldea uztea erabaki zuen, bere hitzetan, taldearekin identifikatua sentitzeari utzi ziolako. Bere ordez, Zak Starkey (Ringo Star Beatlearen semea) sartu zen taldean.
Heathen Chemistry diska pixka bat hobetoago ezagutzeko The Indu Times kantua aukeratu dugu.
Azken lan hau argitaratu ostean, 2001ean gainera Definitely Maybe: The DVD argitaratu zuten beraien lehen diskaren 10. urteurrena ospatzeko.
Hiru urte ixilik egon ondoren 2005ean berriz ere Oasisen berri izan genuen Don’t Believe The Truth diskarekin. Diska honetan aldaketa nabarmen bat egon zen. Ordurarte kantu guztiak Noelek sinatzen zituen bakan batzuk kenduta.
Diska honetan, guztiek sinatu zituzten kantuak eta emaitza ez zen txarra izan kritikak Morning Glory diskatik argitaratzen zuten hoberena zela adierazi bait zuen. Diska honetako singleak The Importance of Being Idle, Let There Be Love eta jarraian entzungo dugun Lyla izan ziren.
Azken diska honekin azken urteetan galduta bultzada berreskuratu zuen Oasisek eta beraien hurrengo lanak joera hori baieztatu besterik ez zuen egin.
2008an kaleratu zuten Dig Out Your Soul eta harrera oso ona izan zuen zale zein kritikoen artean. Lan honetan ere taldeko guztiek sinatu zuten kanturen bat baina ez pentsa horrek taldekideen harreman hobetzen ari zela esan nahi zuenik.
Zak Starkey baterijoleak taldea utzi zuen diska grabatu ostean eta Cris Sharrock sartu zen bere ordez. Hori gutxi balitz Noel Gallagherrek bakarlari moduan jarraitu nahi zuela adierazi eta Oasis utzi zuen.
Hala ere, hilbete gutxira Liamek Oasisekin jarraituko zutela adierazi zuen nahiz eta taldearen kantu gehienen sortzailea galdu duten.
Ez dakigu zer gertatuko den etorkizunean baina oraingoz, gaur arteko kantuekin konformatzen jarraitu beharko dugu. Adibidez, Dig Out Your Soul diskako The Shock of The Lightning honekin.
Horrelaxe amaitzen da gaur egun arte Oasis taldearen ibilibidea baina kontu eta bitxikeri asko utzi ditugu bidean. Adibidez beraien artean eta beste talde batzuekin izandako istiluak. Nabarmenenak Blur eta Keane taldeekin izandakoak izan dira beraz, sutara gasolina gehixeago botatzeko, gaurkoan Blur taldearen kantu batekin itxiko dugu Like A Rolling Stone tartea. Hortxe doa!
Iruzkinak
Utzi iruzkina: