Doneztebetik Sunbillara oinez tren-bide zaharretik

2012ko otsailaren 25eko saio osagarria.

Bistan denez, arazotxo batzuk izan zirela eta, azkenean ezin izan genuen menu begetarianoaren hitzordua aitzinerat eraman. Beraz, horren ordez, Doneztebetik Sunbillarat dagoen tren bide zaharretik ibilbidea egitea erabaki genuen.

10:30etan kafesnea hartu genuen. Jende aldetik parte hartzea ez zen batere jendetsua izan, 4 lagun bertzerik ez baikinen bildu. Hala eta guztiz ere, bildutakoak arras gustura egon ginen eta gure artean gehiago elkar ezagutzeko aukera ere izan genuen.

Itziar Irastorza, Doneztebeko Solaslaguna izan zen ibilbidearen gidaria. Bi geldialdi egin genituen, lehenbizikoa Bisustako ur-jauzi ederra ikusteko izan zen, hortik aitzin jarraitu eta zubi zintzilikari famaturaino ailegatu ginen, Espelosin merendero dago bertan eta han gosaldu genuen goxo-goxo.

Donezteberat ailegatzean, luzaketa batzuk egin behar izan genituen, 16 km.ko ibilbidea egin baikenuen azkenean!!  Aupa kirolariak!!

Hona hemen argazkitan egindako ibilbidea: