...

Takoidun zapatak jantzi dituzu, bart egindako txokolatezko pastelean hatzak urtu eta hauek miazkatzen irten zara etxetik. Soinekoaren azpian biluzik zaude eta ez zara jabetu. Argi aurreko siluetari begira egon natzaizu bien  bitartean. Gaur ere bai, zu ohartzeke.

Azken boladan eskailerak binaka igotzen dituzu eta ohikoan baino margotuago joaten zara beharrera. Ez katemea estaltzeko, azaleratzeko baizik.

Atzo malgukien hotsa entzun zen hormaz bestalde eta gorputz biluzien izerdi anfibioa imajinatu dut nik. Sekula ikusi gabea nuen halako ipurdi bat, kontzeptuaz haratago.