Udaberi jaiak 2010

Ekainak 1,2,3,4,5,6 eta 13. Egun guzti horietan badago zertaz gozatua auzoan. 2010. urteko festak ospatuko baitira. Azken urteetako bilakaerari segida emanez, jaiak indartzea dugu helburu, gure auzoak eta auzotarrok merezi dugulako. Aurrekontu xume bati ahalik eta etekin gehien ateratzen saiatu gara.

Haize freskoarekin datoz aurtengo festak. Otsailetik ari gara lanean, antolakuntza, auzolana, azpiegiturak... eta guztiaren gainetik umorea! Aurten gainera amona mantangorriak bisitatuko gaitu.

Antolakuntza eta auzolana

Festa Batzordeak, auzolanaren bitartez daramatza zeregin guztiak. Lan ezberdinak burura erematen dituzten auzotarrak biderkatzen ari dira azken urteetan. Bereziki azpimarratu nahi genuke, 30 auzotar baino gehiago ari garela buru belarri Festak prestatzen eta 60tik gora izango garela Festek dirauten bitartean auzolanean antolaturik ariko garenak. Dena den Xanjuandegi osoa gonbidatu nahi dugu beste behin modu aktiboan parte hartzera.

Kopuru hauek ikusita esfortzu berezi bat egiten ari gara gure artean ahalik eta ondoen antolatzeko eta guzti hau emaitzak ematen hasia da.

Auzoko komertzio eta Tabernen ekarpena ere eskertu nahi dugu prentsaurreko honetan.

Azpegitura

Erronka handietako bat azpiegiturak indartzea izan da. Ez dira faltako ohiko eszenatokia, umeentzako barrakak edo Festa Batzordearen txosna. Eraikin publikoei dagokienez, Igerilekuan eta Ludotekan hainbat ekintza aurrikusten dira. Baina horretaz gain xj auzolanean auzo eragileak Taberna zabalduko du astebururako “Bodega” zaharrean eta bertan bilduko den dirua urtean zehar dinamika ezberdinei erantzuteko erabiliko da. Water Poloko taldeak ere txosna jarriko du lehen aldiz, euren aurrekontuari aurre egiteko.

Amona mantangorria

Amona mantangorria izango da 2010eko festetako irudia. Bere jeitsierarekin emango zaie hasiera asteburuko ekintza guztiei eta berau agurtuz emango zaie amaiera ere.

Kondairak dioenez, eguraldi iragarlea da eta aldatu ere egin dezake. Hortik dator, hatzamar puntan jarri eta kantuan hurrengo galdera luzatzeko ohitura: “Amona mantangorri zeruan zer berri?”. Umeei esan izan zaie, amona mantangorri bat hiltzean, euria egin ohi duela. Dena den, ume guztiek maitatua da animalia hau. Zenbait kasutan ilargiaren adierazletzat ere hartua izan da euskal kantutegian.

Egitaraua

Urtero bezala auzotar guztientzat egitarau zabal bat osatzea izan da helburua. Aurreko urteetako ohiko programako gauza asko mantendu badira ere, aurtengo ekintzen artean badira hainbat berrikuntza. Besteak beste, gazte afaria edo auzoarteko Herri Kirolak. Mus txapelketako diru sariak ere bikoiztu egin dira aurtengo ediziorako.

Jarraian programa osoa:

Ekainak 1, Asteartea

22:00  Idiazabalgo Txiste-kontalariak

Niza tabernan

Ekainak 2, Asteazkena

21:30  Kontzertua: Euskal Rocka Berrikusten

Rocha's tabernako terrazan

Ekainak 3, Osteguna

21:00 Mus txapelketa Ongi Etorri erretegian

Inskripzioa: 30€

Sariak:

1. - 500€, txapelak eta ikur sariak

2. - 380€, eta ikur sariak

3. - 260€

4. - 140€

Ekainak 4, Ostirala “Gazte eguna”

18:30 Auzoko lokalaren irekiera eta luntxa

20:00 Amona Mantangorriren jeitsiera

20:05 Erraldoi eta buruhandiak Juan de Antxieta musika eskolako ikasleek lagunduta

21:00 Gazte afaria

Kontzertuak

            Egurra ta kitto!

            Friday's Crew

            Bilbomatix

Goizaldean: batzurizopajana

 Ekainak 5, Larunbata “Auzo eguna”

10:00 judo erakustaldia Kimura klubaren eskutik igerilekuan

12:00 Umeentzako jokoak J A Aguirre plazan

13:00 I. Sanjuandegiko Water Polo Sariketa

14:30 Auzo bazkaria

17:00 Auzoarteko herri kirolak

Ondoren, bertso saioa

Bertsolariak: Iker Zubeldia, Jexux Mari Irazu, Beñat Lizaso eta “Xenpelar”

17:30 Azkaiter Peloxen eskutik umeentzako ipuin musikatuak Ludotekan

18:00 Txokolatada

19:00 Erraldoi eta buruhandiak Juan de Antxieta  musika eskolako ikasleek lagunduta

19:30 Arantzetan Rock Akustikoa

Ehunzango Batukada Taldeak kalea girotuko du

23:00 Saloiko dantzak Jose Mari Orbegozorekin

Ondoren, Dirección Obligatoriaren kontzertua

Ekainak 6, Igandea

06:00 Txokolatea

07:00 Sokamuturra

09:00 Salda

09:30 Diana Izarraitz txistulari taldearekin

11:00 Azpeitiko Udal Musika Bandaren kalejira

12:00 Dantzari txikiak

16:30 Haurrentzako poney eta zezenak

18:30 Herri kirolak

20:00 Kapoeira saioa

21:00 Amona Mantangorriren igoera

Ekainak 13, igandea

11:00 Sanjuandegiko Eskolarteko III. Krossa

Gonbidapena

Azkenik, auzotarrak eta orokorrean, herritar guztiak gonbidatu nahi ditugu. Zatoz Xanjuandegiko Festetara badago eta zertaz gozatua! Parte hartuz, ondo pasa!