Wifia ezbaian, pipak eta gatza...

Pasa den astean eztabaida sortu zen klasean.

Wifi-a gora eta behera, klasean erabili edo ez erabili, pipak gatz edo gatzik gabe... betiko eztabaida.

Muina zera da: klasean portatila erabiltzea gomendagarria da? eta erabiliz gero interneteko konexioaz baliatzea morala ote da? Esan nahi dut, irakasleak klasea ematen duen bitartean internetera sartzeko tentazioa hor dago, baina... irakasleak klasea interesgarria egiten badu, ez du zertan ezta?

Eztabaida berdintsua izan zen sakelako telefonoak atera zirenean; Klasean itzalita, soinurik gabe, edo nola?

Azken finean ikasleak interesik ez badu internetera sartuko da, sakelako telefonoa erabiliko du, edo koadernoan marrazkitxoak egiten egongo da. Norberaren atentzio maila ezin da kolektibo osoari zabaldu, bakoitza mundu bat da. Eta bati interesgarria egiten zaiona bestearentzat ez du interes izpirik. Gainera interneten erabilera aberasgarria suertatu daiteke ikaslearentzat, klaseko datu batekin bere pentsamendu edo susmoak baiezta ditzake, datuak baieztatu...

Nire konklusioa zera da: Wifi-a bai. Sartu edo ez sartu bakoitzak erabakitzen du.