ilun-ikarako ipurtargiak

                   Pertsona da arrazoiaren poderioz asmakizunik handienak burutu dituen izakia, bikainak eta iguingarriak. Kartzela da azken hauetariko bat.

                   Espetxeak ez du gaizkilea zintzotzen, ez eta bortxatzaileari eraso sexualaren gosea kentzen; beraz inondik inora ezin lezake iraultzailearen borroka grina ezabatu. Estatuak zigortu egiten du bere jarreragatik, baina badaki pertsonaren kontzientzian duintasunaren kontzeptua barneratu denean ezin dela ezta atxurrarekin atera.

              Zulo beltza. Eguna itzaltzen duen ilun-ikararen moduan itzaldu gura izan zuen zenbait borrokalarien bizia eta izatea; baina ilun-ikarak arratsean agertzen diren moduan ere han zeuden ipurtargiak argi izpiak ateraz. Bizia eman zutenak eta euren alboan iraun zirenak. Hamar gose grebalariak, duintasuna armatzat hartuta mundu osoko inperio handienetako bat jipoitu zutenak euren ziegetako lau hormetatik atera gabe.

          

            Nik ere oraindik Margaret Thatcher gorrotatzen jarraitzen dut. Ez ahaztu, ez barkatu.