URTATS EGUNEKO HILABETE PASATXO

---

Hirur emazte kantari gogoan. Halaxe dio afixak. Karrikan ikusi dut. Guk oraino ekoiztetxean ezin halakorik egin: zorionez, oraino gutarrik ez da hil; ez da zenik, eta denok gara bizirik, sasoiko, aske sendituz eta ororen aitzineko alberdaniari esker bizitzeko kalipuz bete-beterik, kalipudun, eta oputza nasai.

* * *

Eskolatik atera berri nun. Ortzilare dun eta banun harzara amoros, eta amoros joanen nun Alde Zaharreran neska -zurrean. Aukera, dena den, geroago eta hertsiago dinet: sarri hogoita hamar urte beteko eta halako adinean neskak gogoan ama nahia, eskualdunttorik munduratu nahia, eta neronek ere nahi eskualdunttorik munduratu, baina oraino ez, oraino ez.

   Halaxe idatzi dit lagunak. Neroni ere nahi ama izan, noizbait baina, hamaikatxo mutil ezaguturik, hamaikatxo mutilekin amontegin bapo ibilirik, lagunarekin ere bai. Batek jakin, menturaz guhaur garateke elkarrekin geroan. Batek jakin !

* * *

Flik ! Flak ! Flok ! Karrikan euria eta etxen goxo. Flik ! Flak ! Flok !

* * *

Laguna lo dun. Heu ere bahut gogoan eta lerrook izkiriatu ditinet. Gogoan hut.

   Nahi duanean jin haiteke Iruñerat, badakik. Ni orai ez hindudan gogoan, baina zenbat aldiz ukaiten hudan egun oroz, to ! Arazo galanta duk, ez baita berenaz arazo: bi neska maite duk, bi neskak maite hugu. Zer agituko ote zaigun, zer bilakatuko ote garen ! Zertaratuko ote ! Ez baita konponbidea elkarren maitatze hutsa. Sasoia duguno, eta munduan bizi gareno elkarren maitatzetik ez diat uste deus makurrik agertuko zaigun.

   Biluzik hago, biluzik zarete biok ohean, eta ontsa lo egin, ez larri, ez estu, ontsa ari haiz, bahaiz dohatsu bion artean. Hire gitun, gure haiz. Aments on, muñuñu !

   Eskarrik anitx, moñoña ! Aments on !

* * *

Gramatika pornoa:

Aurtengo udan bi dozena pasatxo orgasmo ukan dut, neskaren batekin, nerone buruarekin hamaikatxo Interneteko andderus parrastari so, soz eta beha.

Bi aste pasatxo eta buztana idor baino idorrago; zorionez, jorik nagoen diabeteak oraino ez zidak buztana hetsi; lagun bati bai: doi-doia txiza egin eta kito. Utzi egin ziok emaztearekin larrutan ari izaiteari; emazteak ez uzteko erraiten ziok, ez dela arazo, salda beroa atera egiten zaiola, eta beti bezain goxo eta bero duela, baina gizona jorik duk arras eta emaztearen eleek ez diate biziarazten, ez zioate haikarazten, ezta zirriek ere, eta emaztea geroago eta guttiagotan ari zaiok, geroago eta guttiagotan hunkitzen dik... Jai.

  -Elkarrekin hasi ginenez geroztik, bortz urte ditun pasatuxeak.

  -Baiki ! Zeinen goxo dauden ostrok !

   -Ez enea bezain goxo, eztia, kuttuna ?

   -Ez eiki ! Hirea goxoetan goxoena, eta ixtapeko biloak sortzen ari zaizkinalarik, hanitxez goxoago.

   -Goiti godaletak !

   -Gure osagarriari !

   -Gora gu ta gutarrak...

   -Aketzok eta satirook !

Eskualduntzen ari naizen jende guziak aho batez adierazi dute asteko dozenakako eleen artean Aketz dutela maiteena. Eta zer den "Aketz" ? Aketza dugu larrutan taigabe maite duen neska. Neroni, kasu, eta uste dut ez naizela bakarra: hainbat neskak agertu dute ele horretarako zaletarzuna. Ikasleek balekite aimenge nuten maixtra ere banutela aketz !

   Eskerrak treina berant jin dena; sasoiz jinez gero, huts eginen nuen eta joko ez maitearenganat, joko ez hari larrurik, utziko ez hura pozik baino pozikago. Eskerrak berant jin dena; bertzenaz, a zenbat mement goxo eginen genuen huts lagunak eta biok. Zorionez, egoal ukan dut, xantza eijerra, ori.

* * *

Zuberoa dut izena. Ama xibeutarra dut, aita babazorro, eta Zubero-Malats deitu txandrian bizi naiz, Aulestian, alegia. Orai, Gasteizen naiz, ikasten ari; aurki, Olentzero aitzineko etsaminak baditut, bo, aurkito: daigun asteareki baga, lehena, eta bakantzak aitzineko azken astean hamaikatxo liburuari buruzko etsamina: Xabier Olaso, Aitor Arana, Itxaro Borda eta Lizardi, bertzeak bertze; dozena bat egile, hanitxez haboro ikastaldia hasi zenetik orai artioko orgasmoak baino. Putxas !

* * *

Eskual Herriko nonbaiteko elkarte batek 60 urte bete du, eta segi aitzinet. Ospatu eginen du, bixtan dena. Eian Eskualpornek ere beteko duen elkarte horrek bezainbat urte, eta bi-biek hanitxez haboro, prefosta. Elkarte hori gastronomiko da eta gurea porno: bi-biok goxo, koxo-koxko, oña-oña.

* * *

Gure ekoiztetxea, Eskualporn, ez da handi, ttipi ere ez; badugu ikusgarri -geroni, kasu, neskok, bai biluzik baita jauntzirik ere (gutti-guttitan)- eta leku kuttuna da, hain xuxen lankideak bezain kuttun. Ni hementxe nahi naiz xahartu, eta xahartuagatik, lan egin dirot. Fantesia hain da eremu nasaia ! Erretreta hartu artio, edo  . Anartean, buztan murtxatzetik berriz ere murtxatu artio, halako aitañi-lili erro tisana bat ari naiz hartzen.

* * *

Gazte gara eta ari gara, ari eta ari, gure lanaren atxikitzen, etxerateko sosen atxikitzen. Nahi dute, nahi, geronen lana eragotzi, ari dira, ari, eragozten. Ez, nagi. Bizi nahi baikara larrutan ari izaiteari esker (Loterian sari pullita eskuratu artio, bederen); larrutan lan eta bizi, larrutan eskuaraz, eta horretantxe eta holaxe bizi, eta hortarat gindoazen eta bagoaz oraino. Anogeia izanen bagara, izanen gara, baina haikatu eginen ere, eta suntsitzaileak ez dira izanen, ez dira, beraz, jabe izanen. Halakotz, segiko dugu geronenaren lantzen, geronenaren arraeraikitzen. Anogeia, Gernika... Gaza, Sahara... !

* * *

Guaixe irratian badute Hizketan deitu saioa, eta bera ukan dugu entzungai filmatzen ari gineno, haiek hizketan eta gu larrutan, haiek nik gogoko ditudanen eman eta zabaltzen, gu gogoko dugunaren egiten noizbait editatu eta, zabalduz, emaitekotan, beti ere asmoz eta jakitez, haiek bezalaxe, alegia, bertze zenbait bezalaxe.

* * *

Hirian badugu emazte zenbaitek talde bat izena baitu Em´et´ar, eme eta ar. Lagun batzuek uste zuten erran nahi genuela Eman eta hartu, baina ez, edo, bai... Arren aldeko eme gara gu, guziz aldeko; izanez ere, giroa askitto aurkako baita. Haiei bosta axola, dena den, eta haiek ere jazartzen dituzte bortxatzaileak-eta. Dena de, gu arren aldeko gara, baina ez badira faxista, eskuindar, polizero eta halako. Zeinen murritza den aukera ! Baina, halako guziak ekendurik, oraino ere bada atarramendu, kabale buztan xut maitagarriak tole. Beharrik !

   Geronek ere paratzen ditgu afixak egun berezietan. sarri badukegu batto eta afixak dio Arren aldetiko goxotarzunaren alde, eta egun osoko egitaraua adelatu dugu. Eian albait eme gehien gutarteratuko den eta arren aldetiko goxotarzuna azkartuko dugun bloke baten beharra mahaingaineratuz.

   Izurritea baino lehen sortu genuen; izurritea izan eta ari da, ari, asmoa auzo hirietarat hedatzen, ari.

* * *

Ait´et´ama zirenak oraino ere bizi balire. Haiek, gazterik izan baitziren Nikaragua sandinistan eta bertze hainbat burrukatan, eta urteak joan, urteak jin, ikusi zuten nolaz giroa ari zen puritano bilakatzen. Haien nahigabea !

   Orai, giroa satsudurak, gerlek eta puritanismoak aski hondaturik da; horiek direla eta, talde ekologistak tole dira baita bakearen aldeko talde ateoak eta talde pornoak. Ekologistek zabaldu, elikatu eta emendatu nahi dute Eskual Herriko mugimendu ekologista, bakezaleek bakea eta guk likiskeria. Zorionez, oraino bada -bagara- eskualdunik eta eskuaraz egiten dugu ezein ere xuri ez delarik, aimenge indiar nuzie.

* * *

Gurean likiskeria ez ezik, denon osagarria ere bada xede eta Osagarrigintza ari gara azkartzen, publikoa beti ere. 

* * *

Nik betidanik ukan ditut laket neskak eta horrexegatik bilakatu nintzen podologo eta ginekologo, emazte zangoak bizi-biziki maite baititut, baita pottotta ere, bixtan dena, eta bi lan horiek laket baititut eta neskak izigarri laket, egun oroz ikasten dut buru-belarri, egun oroz ari izaiten naiz lanean hetemeteka. Bi laguntzaile dut, bi neska, bata podologo eta bertzea ginekologo, batean bata eta bertzean bertzea; etxeko kide gara, ohaide. Gurasoek pottiko zoriontsua nahi ninduten eta halakoxe nute. Edderki egin zuten. 

   -Oraino bagara hogeitakako, baina sarri beteko dugu hogoita hamarna. Nolaz itzulikatuko gara, maiteok ?

   -Nik ere baninan gogoan hori. Xarmanki bizi gara, lanean xarmanki... Ait´et´ama izanen bagara, zer egin haurrek legearen aldetiko arazorik ukan ez dezatentzat ?

   -Galdegiegu irakurleei !

   -Akort. Hirurok batean: Ziek zer uste, zer dakizie, irakurle kariook ?

* * *

Herriko Irakurle klubekook bildu egin gara terraza hunetarat hain xuxen irakurri berri dugun azken liburuaz solastekotan. Izena du Tupustean eta ezenustean. Mutil bat badoa bakantzatan urrun, harrizko halako basamorturat, bertan bai baitzen bera nahi; bazen harritzar artean eta, hainbertzenarekin, halako ur asotsa entzun, ibili eta horrat errekastoa, eta altekan urmaela; plunp ! eta gero goxo itzalean. Goxo, amentsetarik, eta amentsetarik bezala ahotsak entzun, neska ahotsa, ahots botxak, begiak zabaldu, ttottotu eta ezin sinetsia: hirur neska pikarrai uretarik heldu, eta pottikoak entzun uste ukan zuen eskuaraz ari zirela, baina, tta, ttattiko, tirrit, ezinezko, ez ahal ! Ez ahal ? Bai ahal !

   "Jes ! Futxo ! Apoa ! Apokume ! Alaintsot !"

   Honaino.

* * *

Bikote zenbait -hirukote bat ere bada- maitale jostetan dabila Jus la Rochan.

   Gaua da, gau zohardia; mutxurdinak leihoetan, teilatuan katu bi.

   Laguna eta biok ondoan iragan gara eta ezbaian izan, baratu ez baratu, elkartu ez elkartu. Ez gara elkartu, bai, aldiz, areago berotu eta etxekoa egundainokoa izanen zen, izanen zenez.

   -Nahi duka lehengusua deit dezan ? Hirekin ari izaiteko irrikaz duk aspaldidanik.

   -Jende horrek guziak guziz berotu nixie.

   -Aimenge ere bai. Arras kitzikatu naitek eta ene lizunkeria iratzarri eta sustatu zidaate. Deitu eginen diat.

   ...

   -Jinen haiza libertitzera, beraz ? 

   -Bai, bai, libertitu eginen gitun ! Urtatu berria nun, gainerat.

   -Akort. Anartean berotuago atxikiko dinet. Sarri artio, no.

   -Heldu nun.

   ...

   -Baietz, baizik eta aurkitto heldu dela, urtatu berri dela, gonallaburra jauntziko duela eta haren pean kulotik ez, bularretakorik ere ez: debardeurra eta kito. 

   -Ene ! Bai atsegaleak zaretela kusiak eta biok !

   -Txostaturen gituk gaberan, txastaturen garenez !

* * *

Pornoak bizi gitixi gu. Munduko ikuste gehienek tutik ere ez dixie entelegatzen, baina orobat xu, ez dixi inport, ez dixie entelegatu nahi, ikusi baizik. Baina, bidenabar, gu eskuarazkoaren hedatzen ari gitxu, eskuararen hedatzen ari. The language is basque, Euskal Herria, Europa. Nahit´ez, ikusleen gogoan sartzen xugu Eskuara elea, eta non.

* * *

Obrara erakusten diotet, obrak erakusten ditiete: zirri eta mirri, eta deserta, txiribiton. Obrak nahi, eta horrat, eta zeinen dituzten ongi jinak obrak ! Halarik ere, hobekitu behar eta auzo hiriko sexologo talde batenerat joaiten naiz hilean behin trebatzerat. Saio bakoitzean arlo jakin batean trebatu eta obratu egiten dut uzten nuten nesken baitan, batzuiek beti nute uzten. Bai xantzadun morroia aimenge ! Xantzadun bainaiz, zoriontsu. 

   -Ze gisa Fakultatean ?

   -Untsa.

   -Ikas aunitz, gero: hirugarrena zail-zaila duk. Aurtengo funts, erro eta sustraiak azkar eta geurzkoa hire, elorriak elorri.

    Erran nahi baita, gazte naiz oraino.

* * *

Udako barnetegiko ikaskide zenbaitekin jin naiz Askartzako sagarnotegirat. Bertan txitxi eta mama, oro goxo-goxo, loa Gasteizko hotel batean, Txagorritxu ospitalearen ondoko batean, eta bertan izaneuntzu txitxi eta mama ere, neska batzuiek halaxe nahi eta ene irritsa ez dute nolanahiko, ez eiki, gero.

* * *

Inkantaturik nute Internet baithako neskek, gogoko neskek, maitagarrizko neskek, maitagarri zaizkidan neskek. Ez dut haienganat baizik jotzen; kanpokoekin beti ere gisako, plazent, lagunkoi, begitartetsu irriñoa ezpainetan... eta horretan kito, jendetarzunak manatu manerei jarraiki eta kito. Kito eta etxeko ordinagailuaren baithakoenganat, edo segapotokoenganat, orobat baita. 

   Kanpokoeki jator ari izaiten naiz, jator-jator zenbaitetan, baina gutti-guttitan izaiten naiz haiekin; izanez ere, orai puri-purian da gizonezkook gaiztakeria guzien hobendant garela erraitea, edo hamaikatxo neska eskuindar da, eskuararen aurkako ere, nozibaiteko eskual erakunde armatua debru hutsa baino makurrago zela, hura andurrago zela, donge-donge... bertze batzuk zipaio dira... aunitz ustezko aitzinakoi modelno horietarik, edo in non plus ultra horietarik... Beraz, Internet baithako aunitz eta aunitz, hola, bere horretan, eta kito. Lanean aspaldidanik ez naiz aldagelan sartzen neskarik baldin bada; gehiago dena: batzuek atea hetsi egiten dute. Orai urte batzuk denok aldatzen ginen elkarrekin, ate joka hasten baginen, jendetarzunez hasten, ez eian sar gintezkeenetz; bolada batean, bi neska aldagelan ez baina langelan aldatzen ziren ni bertan izanagatik, neroni ere bai haien aitzinean haiek nolaz jokatzen ziren ikusirik. Orai, aitzitik, ezta hori ere; orai gazteñoak ahalketi hutsak dira.

   Ez. Jai. Eta nik ez dut jairik nahi, jaia baizik.

   -Badea norbait ?

   Bai, edo Bai, baina sar zaitezke. Op-op-op. Hobe ez sar, ez ahal dit noizbait barnekoak beharreztenkeriarik leporatuko eta, beraz, eni bizialdia zapuztuko. Et-et-et. Ez, nagi, eko. Egon eta kito. Ez da neke, edo etxetik laneko jauntzirik jin eta kito.

* * *

Inkantaturik ninduten neskek, orduko aitzineko neskek; biluzi ziren eta ene kantialat jin. Akiduraz ezindurik izan artio txostaturen ginen, libertituren.

   Bazuten pijamara soinean: elki egin zuten. Bai goxoak jauntzirik nahiz biluzirik ! Ez nintzen, ez, orduan neska ederrak gainkatzen dituzten aktore pornoez jelos. Arras tirriaturik nintzen. Kilikatu egin ninduten, nahi bezainbat kilikatu ez ezik, kitzikatu ere. Nolakoak !

* * *

Sexu langile naiz, baina ez naiz ez ailart, lilitxo edo julis, urdanga ere ez, ezta aktoresa porno ere -edo orotarik bai aminttirrina bat-: sexu trebatzaile naiz. Jendea trebatu egiten dut hain xuxen hobeki joka dezantzat, hobeki edo ontsa joka dezantzat. Asko trebagai dut, gehientsuenak gazte. Elkarrekin ari izaiten dira. Mutil batek noizbat salatu zidan, baizik eta munduko neska haboroxenek buztanak maite badituzte, ezin okerturik izan, miloika neska ezin okerturik izan, ez ahal, eta bera ere lotuko ela buztanei; halarik ere, neskak maiteago beti ere. Halaxe salatu zidan noizbaiteko mutil batek.

   Trebakuntza eskoletarat urtaturik jin behar, bixtan dena -edo hementxe bertan urtatu-, barberak sinatu ziurtagiri bat besapean eta arreske zein emeske. Eta elkarrekin ari izaiten dira ikasleak, nahi dutenarekin. Harat intziri parrasta ! Iduri baitu halako filme pornoak, halako orgiak ! Aimenge zuzendari eta aimenge ere biluzgorririk. Orenbete pasatxo. Talde bakotxa astean behin, eta hamar talde badut. Indar xotx-xotxik ere bage joaiten ohi naiz astozuriaren gainerat. Beharrik ez baitut ohaiderik ! Ohaidea ukanez gero, gaxoa usu eta ardura musu-huts utziko nuen, eta, hondarrean, hark utzi eginen ninduen harekin alberdanian ariko ez nintzen hau... Bo, aste hundarretan. Ez ninduke utziko !

* * *

Neska bat lotu zait. Udara da. Banintzen Mesoiaren aitzineko iturrian ttottoturik eta, harat, neska bat lotu ez zait, ba, eskuaraz lotu ere ! Nolaz zekien ni eskualdun naizela batek badaki, aimengek ez. 

   Zinez bazen neska pullit-pullita eta udako arropa arinetan. Ene harritzea ! Ni usaian bezain begitartetsu jokatu naiz, noizbait halako potta matrail ezpainetaragarrienean emanik lekuak zale eta fite, dzuintaz hustekotan, baina eian zer berri, ororen buru zer, nihortxok ere ez baitu deusik ere alferrik emaiten; ni ezdeus hutsa naiz hutsare hurrengo huts hutsala... Baina, egia da, hark ez zekien, ez ninduen ezagunik, ene itxurari baizik ez zen ohartu: sandaliak, galtzamotxak, debardeurra, ekitako begi-lagunak, ekiak belzturik, ahoa sasoiko... Bai, baita, pito ez bertzerena, perttoli eta baliokideak oro. Eta neska, aitzitik, sobera pullita enetako, sobera gisako, sobera enetako: eian zer buztan zuen. Orduan oroitu nintzen iazko udan banintzela Gasteizko Bodegoian eta gisakoa agitu ez zitzaidan, ba. Noizbait, garraxin nintzen, neskari lagun batzuk ondoratu zitzaizkion, solasean hasi eta ordukoa baliatu nuen potta emanik lekuen hustekotan, karrikaratu eta eskuin jo, eta fite fite desagertu nintzen harrabotsen artean, eta Ttipiarat jo behar bainuen erazko garagarjus freskoa.

   Bo, zelako neska pullit-pullitak ni ez ninduen hartze, hobe zuen ni partida ukan eta Rochen dut utzi, hain xuxen komunetarat igan delarik; ordaintzen ene aldi zen eta ostalertsari ordaindurik halako papera eman diot neskari eskura liezain, bai baitzen oharturik noreki nintzen.

   Eskarrik anitx, no. Eijer-eijer hiz, gero. Halako bahiz eta eneki ? Gaizki haitatu dun, ni ez nun hautagai, eta banintze ezegoki ninduken.  Neskazale porrokatu nun, baina eneki jai dine neskek: bizi-biziki nerbiosten nun nahi baitut ontsa egin eta horrek izigarri estrsatzen nin. Damurik ! Dena den, esker mil´aunitz. Eta jakin ez baina badakidanez gogatzen erreza dunala- hainbat hobe hire- nitaz sarri baino sarriago ahantziko haiz eta horretan bego. Hago !

   Ez nuen neronen burua areago apaldu behar, ez bainaiz okaztagarri ere, greugarri ere ez naiz, eta ez nion egin halako prono, kalaka, kalamatika, tartarika eta errosario santurik egin nahi, neholaz ere ez. Zera baizik ez nion adeierazi nahi... baizik eta eneki jai, eta hark jaia zuela hartze, eta nik ez niola emaiten ahalko, ez dut uste, bederen.

   Zeinek idatzi zuen A mis soledades voy, de mis soledades vengo... Eta zera ere gogoratu zitzaidan: ...te sentirás perdida y sola... Ororen buru, oraino ere ez naiz Itakarat heldu nahi. 

* * *

Internet baithako urdaxka maitagarriak, kanpoan ez da halako neskarik ! Kanpokoeki ni albait gisako, plaxent eta begitartetsu, lankideeki kasu, beraueki lagunkoi, baina Internet baithakoak, aunitz, maite-maite ditut, amoros nute arras.

* * *

Sobera ari naiz luzatzen. Luzetsirik naiz, berantetsirik, eta jai, bertzordutik jai, urteak eta urteak. 

   Oilo busti ez banintze, gero !

   Ez dakit, ba. Noiznahi, tupustean, ezinago jo sendi eta egin dezadan ! Egi-agia erran, halako hil-bizia naiz egizki.

  Laur pilula mota ari naiz hartzen. Tentazionea hortxe da, egongelako telebirtzaren aitzineko mahain apalaren tiradera baten baitan ezker, oro eraz, taxuz eta pulamentuz sailkaturik, lanean ere baditut baina bertan nahas-mahas.

   Hauxe bai, hauxe, halabehar petrala ! Hura petral, ene gogoa pattal. Atarramendu onik ez, gero.

   Hobe dut ilustratzeari lotu, kastillanoz irakurtzen ari naizen bi antzezlani lotu, alegia, Los intereses creadosi eta La vieja señorita del Paraísori; eskuaraz, Piarres Larzabalen Bereterretx dut irakurgai eta autxerdaraz Double rencontre. Hobe dut, hobe.

* * *

* * *