HAINBAT HOBE

Zenbat neska duta laket ?... Baga, biga, higa... laga... boga... Gurene, ene Gurene ere bai, sega... Sega ! Zaga ez. Sega ez dira guttitto, ez eiki. Ni ere banute maite, zirriko eta xikokako izan ezik maite. Nik, arren, haien aldetiko halako gabezia guzia jasan behar, pairatu, ereman, egari. Musu-huts. Ezkondurik daude eta zoriontsu dira, ama dira, oraino ere xikokan aritzen diren ama banaka horietarik, eta ez dute haur gehiagorik nahi: atsegineztatzeko ari izaiten dira xikokan; halakotz, sei bikoteak zoriontsu baino zoriontsuago: haurrak ttipi, haur gehiagorik ez eta oraino ere larrutan, eta larrutako gogo izigarri handia, nekez agortuko baitzaie. Hainbat hobe haien !