Nordkapp, neguan eta… bizikletan!

---

-Buffff! 34 gradu zeropetik! Eskerrak hemen barruan gozo-gozo gaudela! Pixka bat epeltzeunen ateako gea…

-Ta duela 15 egun, termometroa zero azpitik jetsi zanen, ospatzen eon ginela!

-Gaiñea, ezin kejau, aurtengo azken 100 urtetan epelena omen da. Ea elurrik gabe gelditzen gean, eta akabo… Garai hontan oikoak omen dira -40º, kejatzeko ba!

-Benga, denok kalera, -28 besterik ez du markatzen, beraz, a pedalear ke es gerundio!

Nordkapperako bidean

Sei lagun gabiltz Finlandia eta Norbegia arteko lurralde hotz hauetan (Josu, Dina, Txitxi, Francis eta bi Mikel) Nordkappera heltzeko asmoz… bizikletaz. Bai, bizikletaz eta neguan… Norena ote ideia, ba?

Lau mila kilometro kotxez egin ondoren Europan gora (europearrak oraindik ez ginenean…), azkenean Kemin hasi genuen gure pedalkada. Helmuga: Nordkapp. Gure aurretik 650 km igotzeko, beste horrenbeste itzultzeko. Ke guai!

Beti bezala, pedaleatzearena ez da aitzaki bakarra, pasako ditugun 3 edo 4 asteetan bertako jendea pixka bat ere ezagutu nahi dugu… Kasualitatea ote edo, Rovaniemin, bigarrengo egunean, Samien legebiltzarreko lehendakariaren etxean lo egin ondoren, bertatik paper batean izen pilo batekin irten ginen. Ia herri bakoitzean bagenuen kontakturen bat… Mundiala! Artistak, artisauak, artzainak, irakasleak…

Lourdes, Fatima eta… Johnny

Gezurra dirudi, goizian halako egualdia, karretera laua, haizea gure alde… eta orain dena kontra. Tunel madarikatu! Hiru kilometro bere tripetan ta lañoa, malda gogorrak, eta gainera, kriston ekaitza…

-Zenbat gelditzen zaigu barkuaño?

-15km oaindik…

-Eztakit ba nola iritsiko gean, karreterare ezta ikusten ta… Atzeaka goaz? Hortxe zeon herri bat…

-Atzeaka? Ezta pentsature. Besteek aurren dare, gure zai…

-Bale ba…

Itxura txarra dauke egualdiak, enfin… bibakeatzea tokatzen etzaigun bitartean. Urik ez, janaririk ez, kanpindendaik ezta… Ta kriston hotza ta haizia! A ze plana!

…

-Txitxi! Entzuten al dezu? Kitaniebesa! Guretzako tokirik badaukan galdetuko diogu, ezta?

-Jelou, jafiu a pleiz for us ondetrak? Yes? Zanks a lot, Johnny

…

Ez dakit zer sentituko zuten Fatima edo Lourdeseko ume edo artzain horiek, “amabirjiña” ikusterakoan… bainan ia 20 urte beranduago oraindik izugarrizko poza sentitzen dut kitaniebesak ikusten ditudanean… Egun horretan Norbegiako ipar kosta osoa ekaitz horren pean egon zen, komunikazioak eten, bide guztiak itxi eta hor genbiltzan gu, 20 kmtako karretera batean sakabanaturik… Bakarren batek kobazuloa eta guzti egiten hasia zen Jhonnyren “kitaniebesa” azaldu zenerako. A zer librada!

Nordkapp

-13 km besteik etzaizkigu gelditzen, baño karreteraik ez. Bo, bai, baño elurrez beteta… Bizikletan eziñezkoa…

-Ta eskiz?

-Bale!

-Motoniebe oietakoa alkilatzen badeu, bidea zabaldiko digu, ta baukeu bizikleta bat eamatea, palafoto…

-Beida, azkeneko kilometroa elurrik gabe dao. Bizikleta montau. Benga, Mikel, argazkiako…

1989/03/03. 71º 20’21” N, Nordkapp.