langileak greban

Langileak enpresarekin negoziatzen ari dira; bitartean pazientzia eskatu du alkateak eta eduki-ontzietan paperik eta kartoirik ez pilatzeko

Horrelako do Udaletik jasotako oharrak:

Zumaiako kaleetan papera eta kartoia birziklatzeko dauden eduki-ontziak gainezka daudela salatuz, zenbait herritarrek bere kexua adierazi dute Zumaiako Udalean. Egoera honen aurrean, Iñaki Agirrezabalaga alkateak zera adierazi nahi du: "Papera eta kartoia birziklatzeko eduki-ontziak jasotzeko ardura Urola Kostako Mankomunitateari dagokio. Bertako arduradunekin harremanetan jarri gara eta zerbitzu hori ematen duen enpresako langileak, Despanorsa S.Lkoak, greban daudela adierazi digute. Momentu honetan enpresako arduradunak eta langileak negoziatzen ari dira esan digute, baina printzipioz, grebak aurrera jarraitzen duela diote".

Urola Kostako Mankomunitateak gutxieneko zerbitzuak emateko aukera aztertu du, "baina Eusko Jaurlaritzatik langileek greba egiteko eskubidea daukatela eta kasu honetan ezin direla zerbitzu minimoak eskaini", azaldu du alkateak. Mankomunitateko ordezkariek alkateari jakinarazi diotenez, Mankomunitatearentzat kartoiak jasotzen dituen beste enpresa bateko langileak lurrean dagoen papera eta kartoia jasotzen ari dira.

Kaleak paperez eta kartoiez beteta ikustea ez dela batere atsegina jakitun, Iñaki Agirrezabalaga alkateak herritarrei "pazientzia izateko eta papera eta kartoia beteta dauden eduki-ontzietan ez pilatzeko" eskaera luzatu nahi die.