Kumun publikoa tren geltokian

Udalak komun publikoa jarri du tren geltokian. Herritarrek egindako eskaerari erantzungo diola eman du aditzera Udalak.

Gai honen inguruan prentsa-oharra kaleratu du. Honela dio:
"Joan den astetik Zumaiako EuskoTreneko tren geltokian komun publikoa dago. Iñaki Agirrezabalaga Zumaiako alkateak aditzera eman duenez, azpiegitura berriak tren-geltokiak urtetan izan duen "hutsune nabarmena" beteko du. Antza denez, herritarren kexu ugari jaso ditu alkateak tren-geltokian komunik ez zegoelako. "Estazio auzokoek behin baino gehiagotan salatu dute komun falta zegoela, eta ez dira bakarrak izan. Zumaiar asko izan dira kexu horrekin gerturatu zaizkigunak".

Egoera bideratu nahian Zumaiako alkatea EuskoTreneko arduradunekin jarri zen harremanetan. Herritarren kexuak helarazi zizkien eta zumaiarren eskaerari men eginez, komunak egitea onartu zuten. Lan horiek gainera, ez dute kosturik izan Zumaiako Udalarentzat.

EuskoTrenek Zumaian duen tren geltokian, hortaz, komuna jarri dute eta joan den astetik dago erabilgarri. Altzairu herdoilgaitzez egindako komun publikoa automatikoa da, bakarrik garbitzen den horietakoa eta mugikortasun arazoak dituzten pertsonentzat egokitua. EuskoTrenetik jakinarazi dutenez, astero-astero behar diren materialen horniketa egingo dute. Horretaz gain, astero garbiketa sakon bat egingo dute.

Zumaiako tren-geltokia 1926. urtean eraiki zuten. Ramon Cortazar arkitektoak egin zuen diseinua, eta urtetan Urolako Trenbidearen geldiunea izan zen. Hainbat urtetan itxita egon ondoren, 1997 urtean zaharberritze lanak egin zituzten Bilbo eta Donostia elkartzen dituen tren-linearako."