Mutrikun denok «busti» gaitezen

Ama lurra neurriri gabe «berotzen» eta ahultzen doan heinean, Euskal Herriko beste hainbat herritan egin duten bezala, Mutrikun ere, Eusko Jaurlaritzak, alderdi poltikoek eta herritarrok goitik behera «bustitzen» hasi beharrean gaude. Bustitzen, bene-benetan blai gelditu arte.

Mutrikuko portuaren inguruan herritarrok ez dugu informazio objektibo larregirik izan. Zurrumurruek diotenez, kostaldeko beste herri batzuei eskaini zitzaien proiektua. Eta haiek ezetz esatean, Mutrikun orduko alderdi politiko guztiek baiezkoaren apustu sendoa egin zuten.
Baina herrigintzarako berebiziko garrantzia izan dezakeen honetan (etxebizitza berrien kopuru itzela, Mutriku eta Sasiolako arteko azpiegitura, harrobien ustiaketaÉ) herriak ez du iritzirik emateko eta parte hartzeko eskubiderik izanÉ Ezta erabakitzeko eskubiderik ereÉ
Gaur egun betiko hondartzaren bi herenak babes dike erraldoiaren eta olatuen bidez energia lortzeko zentralaren plangintzarako erabiliak direnean, noiz galdetuko zaio herriari zer nahi eta behar duen?
Oraintsu,Pasaiako superportuaren gauzaketarako Mutrikuko «hondartza» (???) eta moila erabiliak izango direla prentsan irakurri dugunean... noiz jakinaraziko zaizkigu herritarroi proiektu horren guztiaren ardatzak eta helburuak?
Bitartean, oraindik ukitu gabe baina proiektu txikitzailearekin guztiz mehatxatuta dagoen itsas-igerilekuan herriko eta inguruetako umetxo, gazte eta helduek salto egin dezagun garapen jasanezina eta interesatuari trufa eginez!
IDOIA ARRILLAGA