Heriotz zigorra

1994ko ekainean, EE.BBetako poliziak Floridako etxebizitza batean bertako jabeen gorpuak hilik aurkitu zituen: Casimir Sucharski eta bi emakume, Sharon Anderson eta Marie Rodgers. Ikerketen ostean Pablo Ibar eta Seth Peñalver akusatu zituzten 1994ko abuztuaren 25ean. Hiru auziren ostean oraindik Pablok ez du bere errugabetasuna frogatzeko aukera onik izan (heriotz zigorrean aurkitzen da), nahiz eta gau horretan, gaur egun bere emaztea den Tanyak, berarik egon zela ziurtatzen duen. Kasu hau mundu guztian ezagun egin delako aipatzen dut, baina ez da injustiziaz beteriko kasu bakarra. Nork daki zenbat pertsona dagoen gezur honetan harrapatuta? Eta zeinek ziurtatzen dizu hurrengoa ez zarela zu izango? Kasu honetan erabilitako frogak nolakoak diren ikusita, gutako edonor izan daitekeelako hiltzaile.

            Hilketa burutu zen egunean, hiltzaileen pausu guztiak grabatuak izan ziren. Honek ADN, hatz-herexeak edota hilearen arrastoak errazago aurkitzeko lagungarriak izan ziren. Hauen analisiak ezin dute Pablo bertan egon zenik frogatu, emaitzak ez baitatoz  berarekin bat.

Zertan oinarritzen da fiskala Pablo errudun dela baieztatzeko? Bada 22 minutu iraun zituen grabaketatik hartutako irudi bat. Bertan segundo gutxietan hiltzailearen aurpegia ikus daiteke, baina irudia txarra izanik eta argi ikusten ez den arren, fiskalak Pablo zela ziurtatu zuen. Nahikoa al da froga hau pertsona baten biziaz erabakitzeko?

Gure bizi eskubidea ez dago inoren esku. Eta are gutxiago estatuaren menpe. Non gelditzen dira giza eskubideak? XXI.mendean aurkitzen gara. Pertsona batek beste bat hiltzeak, estatuak berdina egin behar duela adierazten al du?