Mintzapraktika egitasmoen ikerketaren emaitzak aurkeztu dira

Eusko Jaurlaritzaren enkarguz Aztikerrek Mintzapraktika egitasmoen eraginkortasuna neurtzeko ikerketa atzo, otsailak 3, aurkeztu zen Bilboko Euskaltzaindiaren egoitzan. Ikerketa hau Topagunea eta AEKrekin batera egin du Aztikerrek.

Mintzapraktika egitasmoaren eraginkortasuna neurtu nahi izan da ikerketarekin eta horretarako 2004-05 eta 2008-09 ikasturteetako datuak aztertu dira.

Emaitzak aztertuta, mintzapraktika «eraginkorra» dela ondorioztatu dute, zalantzarik gabe. «Ideia nagusi bat esateko: formulak ondo funtzionatzen du», laburbildu du Iñaki Iurrebasok (Aztiker).

Jasone Mendizabal Topaguneko zuzendariak egitasmoaren hazkundea azpimarratu zuen eta hazkunde horren atzean egindako lana azpimarratu zituen: bost urtetan, hirukoiztu egin ditu parte-hartzaileak egitasmoak, eta zazpi urtetan, laukoiztu. “Mintzapraktika masa fenomeno bat dela esan daiteke», nabarmendu du Iñaki Iurrebasok.

Ikerketako emaitzen aurkezpena: