SAN MARTINGO HARRIA - IZABA. 2012ko urtarrilak 28-29

Iaz bezala, aurten ere, mendiko-eskiez  egindako irteera eguraldi txarrak baldintzatu zuen, larunbat goiza oso polita izan arren. San. Martingo Harriko eski estaziotik atera ginen, bezperako elurteak utzitako irudiaz disfrutatuz; eguraldi eguzkitsu baina hotza,. Batzuentzat lehenengo aldia zen mendiko eskiak jartzen zituztela eta foka-larruez ibiltzea sentsazio berria izan zen. Soumcouy aldera abiatu ginen, baina iragarritako elurtea gainean genuen. Lainoa eta elurra, pista-kanpoko izotza… itzultzeko ordua zen. Izabara joan ginen zuritutako errepidetik, poliki poliki. Arratsaldea, elurra mara-mara ari zuela, “eski-poteoan” pasa genuen. Hurrengo goiza txuri-txuri eta zeru ilun esnatu zen. Belaguako mendatea itxita zegoenez, “Rincón de Belaguan” gelditzea erabaki genuen. Han “fokeatzen” paseo bat emanez eta “buelta mariak” praktikatzen igaro genuen goiza.