Amaia Monteroren Malerrekako azentua

Zein ote da Mikel Erentxunekin batera Lau Teilatu kanta ederra asasinatzen duen Malerrekako ahots hori? Hango azentu garbi-garbia du eta, Erramun Joakin berberaren andrea edo arreba izango da, dudarik gabe.

Ez, ez naiz erotu. Orain puri-purian dagoenez, ia leku guztietan Amaia Montero azaltzen zaigu, eta ni elkarrizketa honekin akordatu naiz. Beste hainbat bitxikeriaren artean, honakoa bota zuen Van Goghen Belarri ohiak, galdera ezin jakintsuago eta ez-topikazoagoaren ondoren:

"- ¿De qué zona de Euskadi creéis que os ha salido el acento?

- Mikel Erentxun: A mí, de Mutriku. Estudié la versión original cantada por él, tal y como la grabó en el disco. La transcribí y la canté así, con los dejes, que luego me corrigieron.

- Amaia Montero: Yo supongo que al euskera del Baztán porque mi madre es de Ituren, mis abuelos también, viven por esa zona de Santesteban."

Bikaina. Bikaina, benetan. Kanta entzunez oso oso nabarmena da Iturengo bere azentu ederra; jakina denez, gainera, azentua geneen bidez transmititzen dela. Malerrekako putxara batekin putx eginez, agur guztioi.