Hainbestetan... karino bila (III)

Hainbestetan hil naiz,
hainbestetan maitea
Ogoñotik behera
         Azkorritik behera
               Axerrotatik behera
                       Lasalbetik behera

hainbestetan deitu diet
Benedettiren ilusiozko zapata gorriei

Hain geratzen da
poesia antzu eta hutsik
hain hitz gora (izgora)
hain berba behera (berbabera)
hain da ezgauza
hemen esaten nabilenerako

Azkenean ulertu egin dudala
Rimbaud,
bere erabaki misteriotsua,
argi lotu zait
behingoz