Aurtengo sanferminetarako gutxiago falta da!

---

Azkenik aurtengo zapatuko ihauteriak martxan jarri dira. Berandu baina ziur gutxienez, kontutan izanda dena bertan behera gelditzeko egon den arriskua, esan beharra bait dago karrozak prestatzeko lekua azken momentuan lortu dugula, eta hortaz, dena ondo atera dadin denok ahalegintxo bat egitea eskatu nahiko genuke.

Astelenean, Mantxolako “Mangos Etxe” zenaren pabilioia utzi ziguten jabe bazkideek, beraz, aurrena,  eskerrak emateko aprobetxatu nahiko genuke.

 

Bertan bilera egin zen dena martxan jartzeko, jakinda lehen egunetan kosta egingo zitzaigula martxa hartzea, materiala eta tresnak faltako zirelako, baina denen artean lanean arituta eta orain artekoa ikusita, dena ondo ateratzea espero degu.

 

Hemendik aprobetxatu nahi dugu ere jendea bertara gerturatzera animatzeko, ze naiz eta karrozak prestatzeko lana bideratua egon, gainontzeko denaz hitzegiteko, proposamen berriak egiteko, eguna antolatzeko eta zenbait eginbeharren ardura banatzeko, jendea beharrezkoa da.

 

Oraingoz konpontzeko daukagun arazo larriena desfilerako musika animazioarena da; urteko egunik okerrena omen da ihauteritako zapatua txaranga bat, (edo beste zeozer) lortzeko, eta ahaleginak egin badira ere, oraingoz arazo hau konpondu gabe daukagu. Lagungarri izan daitezkeen proposamen denak ongietorriak izango dira, baina mesedez igo “mangos”era proposatzera edo gaztetxeko web orriko foroan bota.

Honekin batera ere, jendeak zein mozorro aukeratu duen azaltzea eskatu nahiko genuke, denetarik egon dadin, baina sanferminero txurigorriak gehiengo zabala izan daitezen.

Gogoratu bazkarirako txartelak salgai daudela 12 euroren truke, karibe zaharrean, kukuen eta gaztetxean. Txartelak erosteko azken eguna otsailak 15a izango da; erosi mesedez txartela eparen barruan bazkarian arazorik gerta ez dadin, eta horretaz gain, saldutako tiket kantitatearen arabera ikusiko delako zer bazkaldu eta non bazkaldu.

Aurtengo sanferminetarako gutxiago falta da!