2. Lanaldia

Bizitza pertsonala, familiarra eta laborala bateratzeko bitartekoak bilatzeko beharra egunetik egunera gero eta gehiago gizarteratzen den heinean, beharrezko bilakatu da ere  aipatu bitartekoak UPV/EHUn gauzatze zehatza izan daitezen bilatzea. Horregatik, LAB-ek honakoa defendatzen du:

• Ikastegien itxiera 20:00-20:30etan, arratsaldeko ordutegia duten langileek bizitza familiar eta laboral bateragarriagoa eduki dezaten ahalbidetzeko.
• Aparteko orduen ezabatzea, ordu horiek betetzeko Lan Poltsetako langileen kontratazioen bidez eginez
• Lanaldi ezberdinak egitea ahalbidetuko duten neurriak, beti ere lan-bolumena eta jendearentzako arreta errespetatuz eta arratsaldeko eta goizeko ondoz ondoko lanaldien kateatzea ekidinez.
• Lanaldi ezberdinen azterketa orokorra, lan- eta familia-bizitzaren bateragarritasunaren zailtasunei, lantokian izaten diren presentzia-egunei eta lanaldiaren aldakortasun/iraunkortasunari (arratsaldeko lanaldia, …) arreta berezia jarriz.