Cavalls de Sant Joan eta kafe beroa

Ciutadellan , Menorcako aintzinako hiriburuan, ez dute suterik pizten Sant Joan gauan. Ez eta makalik zutitzen, Agurainen egiten duten moduan. Suarekin eta makalekin zerikusirik ez duen gauza bat egiten dute. Zaldi gainean jarri eta...


Gora!

Horixe bera. Bueltak eta bueltak eman zaldi apainduekin, bi zangotan ibiltzera behartuz animaliak. Kale bete-beteak, mundu guztia zaldia eta zalduna animatuz. Arriskua badu antzaz jatorri britainarra duen zelebrazio honek, izan ere zaldiak ikusteko bildu den publikoa zaldien pean kokatzen baita, inongo segurtasun hesirik gabe. Animaliak estropezu egiten badu, edota atzeko zangoek indarra galtzen badute, ziurrenik ezbehar bat gertatuko litatzeke. Baina inor ez dirudi kezkatua. Zaldia ukitzera animatzen dira asko. Sute baten gainean salto egitea arriskutsua bada ere, eta hala ere denok txalotzen dugun ohitura da.

Sant Joan izpiritua edonon dago Ciutadellan. Kafe bat eskatzekotan, adibidez, ez dizute katilu normal batean jarriko, ez. Sant Joan bezpera bada, horrelako baso batean jarriko dizute.


Bero egongo da. Kafea, esan nahi dut. Mingaina erretzeko adina. Fanta-promesak despistatu egingo zaitu eta zangada batez hartuko duzu kafea. Desastrea.

Arriskua oso gauza erlatiboa da. Gutxien espero dugun txokoan ezkutatzen da. Batzuetan ez dago zaldi bertikaletan edota sute katartikoetan. Fanta edalontzi batean zerbitzatutako kafean batzuetan bai.