Stankeik V, Kronika

Hamabostaldi kulturala Lemoako Gaztetxean, eta honen barruan, Stankeik Band-en boskarren kontzertua (urtean bat egiten da). Klasiko bat gabon inguruko eskaintza kulturalean. Gure rock´n´rolla, geuk antolatutakoa, zuzenean giro ezinhobean. Herri eta inguruko musikariek osatutako banda osatu (kitarra, baxu eta bateria), eta jenteari bere kanta kutun bat kantatzeko aukera emotea, zuzenean. Kultura herritik herrira. Ekimen autojestionarioa, munduko kontzerturik popularrena. Kanta bat aukeratu, musikariei pasatu, entsaio pare bat eta oholtzara!

Egitasmo honetan ezinbestekoak doguz musikari sufrituak, kantaririk esijenteenaren eskariak asetu behar dabezanak. Honeek izan dira aurtengoan honetan ibili direanak:

Jokin (gitarra), Kristales (gitarra), Jon Tauki (baterie), Arrese (baterie), Raula (baterie), Barrene (bajue), Iñigo Santos (bajue), Unai Uriarte (bajue), Unai Santos (gitarra), Endika (gitarra).

Stankeink-eko beste klasiko bat aurkezlea da. Maite ibili zan, salerosa, betiko moduan. Eta kantatu be egin eban, prezio berean.

Eta orain, kontzertuaren kredituak-edo, kronikaren ordez. Bakotxak zer egin eban eta argazki desbardinak, danon gozagarri eta “komentagarri”.

La Polla “Ya no quiero ser yo”

Ibai Undu eta Eñaut. Evaristoren itzala luzea da eta egungo gazteenetara heltzean da.

Berri txarrak “Sols el poble salva al poble”

Laura eta Idoia. Gero eta neska gehiago ausartzen dira lehenago osoki gizonezkoena zan espazio batean parte hartzen. Mugak hautsi, horixe da bidea.

Danba “Atzo lez nazkatuta”

Beterano bat eta punki bat tabakoaren legea egin dabenari eskainitako kantuan: Kepa eta Urtikaria. Autodestrukzioaren kronika.

Ramones “Tomorrow she goes away”

Raulan esku. Klasikoak beti klasiko. Stankeink-en boskarrenean ezin zirean ramoneak faltatu. Ziztu bizian.

Siniestro Total “Bailaré sobre tu tumba”

Alderik ganberroena erakutsi eben Billy eta Ioritzek, korbata eta guzti, fraka laburretan joan arren.

KOP “No te rindas”

Erritmo astunak borrokarako deia lagunduz. Eutsi! Barrene Txiki eta Ruslan arduratu zirean honetaz.

Deabruak Teilatuetan “Gaur euria egin du”

Miren, kitarra eta guzti. Kontzertu osoko momenturik poperoena.

Berri Txarrak “Breaking the law”

Larregiren eskutik. Eta gero esango da bertako taldeak mailarik ez daukiela…

Habeas Corpus “Desde que el mundo es mundo”

Barrene eta Oier. Potente-potente. Gordin-gordin.

Extremoduro “Ama, ama, ama y ensancha el alma”

Iraia eta Silba. Momentu poetikoena, itotzen gaituzten kateak eten daiguzan. Bihotz eta buruak askatu!

Gatibu “Zeu, zeu, zeu”

“Hit” euskaldun peto-pteoa. Hirukotearen arduratu zan ahotsakaz, Silba eta Magu, Maite aurkezlearen laguntasunagaz. Alexen imitadore itzelak dauz inguruan, bai horixe!

Eta lehenengo hamaika kantuen deskargaren ostean, “atseden” laburra. Eta jarraian, azken ziegaraino heldu zan preso polikoekiko alkartarsun mezua. Saioa eta Izaskunek ekarri euskuen. Urtarrilaren 8an “Egin dezagun urratsa” Bilbon eta ekar ditzagun herrira! Governors-en “Kristal kolpatuak”, Hatortxu-rockeko kantua.

Azken aurrekoa, Stankeink-eko kontzertuetan klasiko bihurtu dan kantua, Eskorbuto-ren “Os engañan”, Jonek kantauta. Egia berdaderoak. Gogorrak.

Eta onena amaieran klaro, interpretazino korala eta popularra, inguruetako herrietarako oholtzarako konbite esplizitoa eginda. Danak gora! Eta kantua, zelan ez, Gaztetxearen 10. Urteurrenekoa: “Milaka amets norabide bakarra”.

Kontzertu itzela, ekimen ezinbestekoa, kreatibititatea eta ondo pasateko gogoak ederto uztartu dauzana. Gaztetxearen eta Asanbladaren filosofiagaz bat egiten dauana: Urtez urte, autogestioa eta irudimena. Eta gainera ondo pasatu.

Boskarren Stankeik-en ostean gogotsu egoan jentea, erregeen erregalua etxoten edo, eta gaua luzea izan zan. Baina hori, beste kontu bat da…