Nor gara gu?

---

Adimenaren ikertzaileek diote garunak lan itzela hartzen duela gertaeren segida eta estimuluen multzoari nolabaiteko zentzua eta ordena itxura ematen. Oroitzapenak ere ordenatu, denboran banatu eta nolabait "josi" ere egiten ditu. Eta horrekin batera gure nortasuna asmatzen: urteetan zehar izan garen pertsona desberdin guztiak -hamar urteko umea, hamaseiko nerabea, hogeita zazpiko gaztea, berrogei urteko heldua...- batu eta denak bat eta bakarra garen "inpresioa" izan dezagun lan ikaragarria hartzen du garunak.
 
Gure "nortasuna" omen den horren eraikuntzan -nor garen geure buruari sinestarazten- ematen du denbora garunak. Ondorioz, argazki zahar batean geure burua ikusten dugunean inpresio bikoitza izaten dugu: Hor ageri dena neu al naiz? Neu nintzen? Pertsona berbera garela esan dezakegu? Hor eskumatara ikusten duzuen Jozulin txiki hori, goiko argazkian ageri dena eta gaurkoa bat al gara?

---

Argazki hau eta beste batzuk ikusgai izango dituzue Galdakaoko Torrezabal Kultur Etxean astelehen honetatik aurrera. Erakusketak ospatzen ditu, Ibilaldiaren aitzakian, Eguzkibegi Ikastolaren 40 urteak.
Argazki erakusketa antolatzeko bildu gintuzten ikasle ohi batzuk eta bloga ere egin genuen argazkiak sareratzeko. Erakusketan argazki gehiago ere badaude, baina batzuk ikusi nahi izanez gero hemen duzue aukera: