Martera joateko gogoa

Borroka armatuaren bertsio klasikoan, erakunde armatu batek ekintzen bidez Estatuaren erreakzioa behartzea zen kontua; horrela, Estatuaren kontradikzioak agerian geratuko zitzaizkion herriari eta ulertuko zuen, azkenik, Estatuaren benetako izaera zapaltzailea.

Nago, bizi garen mundu nahasi eta aldrebes honetan, eskema hori irauli egin dela erabat: Estatuak behartzen du bestearengan erreakzioa. Eta horrela –halaxe ikusten dut nik, behintzat- Estatuak menperatzen du, Estatuak aukeratzen du erakunde armatuaren taktika eta estrategia behartzen; Estatuak darabil hara eta hona unean uneko interesen arabera, txotxongilo zoro baten gisara.

Eta, benetan, Martera joateko gogoa etortzen zait holakoetan...