Ongietorria

Kaixo.
Atzo estreinatu nuen blogger-en nire lehen bloga eta gaur bertan  jakin dut blogak.com-en berri, eta, dudarik gabe, blog berria (orain blog zaharra) alde batera utzi eta hemen idazteari ekin diot. Agur, blogger!


Aspalditik zebilen nire buruan blog bat sortzeko ideia. Kazetaritzara Sarrerako irakasle Aitor Zuberogotiak behin eta berriro gomendatu digu bloga sortzea, idazteko ohitura hartzeko.

Obligazio baino, aisialdi moduan sortu dut, noizbehinka idazten ditudan arikulutxoak bertan publikatzeko, ordenagailuan betiko izkutuan geratzera kondenatzea baino interesgarriagoa izango delakoan. Interesatzen zaizkidan berriek eta poesiak ere ere izango dute bere tartetxoa.

Lehen mezu honetan ezin ditut ahaztu eibar.org-eko blogari eta zerrendakideak. Klasean behin eta berriz entzun ondoren blog komunitate honen garrantzia, txalotzea baino ez zait geratzen egin eta egiten duten lanagatik. Eta zerrendakide maiteoi, agur bat hemendik!

Esker bereziak Luistxori gune hau proposatzeagatik. Eskerrak, eta barkamenak, akaso, baita...

Denborak esango du bloga eta nire arteko harremanak zenbaterainoko indarra duen. Bitartean, eztabaidatu eta gozatu.