Nola sartu argazkiak

Askok galdetu didate nola sartzen den argazkia blogak.com plataformako zure blogean, eta komenigarria iruditu zait azalpenak sartzea, horrela beste norbaitek behar badu, erreferentziatu eta kitto.

Artikulua idazten ari zaranean, goian menu moduko bat dakazu, botoitxo batzukin. Botoi horietako bat, papertxo baten moduko marrazkia da, hain justu hauxe:

Ba irudi horren gainean klik egin, eta koadro bat atarako zaizu, bertan helbide bat sartzeko. Marrazkiaren helbidea sartu behar duzu, kasu honetan sartu dudana helbide hau izan da:
http://www.blogak.com/misc_/Epoz/epoz_button_image.gif

Irudiaren helbidea lortzeko, interneten dagoen irudi baten gainean eskumako botoiaz klik egin behar duzu, eta "ikus irudia" aukeratu. Goian, irudiaren helbidea agertuko zaizu (.gif ala .jpg bukaera ziur aski). Helbide hori da kopiatu behar duzuna eta goian esandako koadroan pegatu.

Azalpena emanda konplikatua dirudi sekula egin ez baduzu, baina oso erraza da. Pare bat argazki sartu eta ikusiko duzu zein erreza den. Ulertu ez banauzu, esan lasai eta ahaleginduko naiz beste moduren baten azaltzen.

*Zure irudiak igo nahi badituzu, lehenik internetera igo behar dituzu. Horretarako flickr erabiltzea gomendatzen dizut.