futbola

Telebistan hainbeste futbol ikusita nire txikitako denborak oritzen ditut: arratsaldeko bokatak, jolastokiko partiduak, telebistako serie haiek ... Futbolean oso txarra nintzen, pakete bat. Ni bizi naizen lekuan udaberriro eskolen eta ikastolen artean kirol desberdinen txapelketak egiten dira. Hamabost urte nituenean nire lagunak eta ni futbolean eta saskibaloian apuntatu ginen. Uste dut bakoitzetik partidu bana edo bakarrik irabazi genuela! Gogoratzen naiz futbolean neska erraldoi batzuren kontra izan genuela lehen partidua, armairuak bezalakoak ziren, kristonako ostikadak ematen zituzten! Porteriakoak esku batez bakarrik harrapatzen zuen baloia! Batek baloiarekin aurpegian eman zidan eta lurrera bota zidan. Ez da baloiak jo zidala eta erori egin nintzela... baloiarekin batera lurrera joan nintzen, sudurra beltz eduki nuen bi astetan! Eta futbolean hartu genuen palizaren ostean saskibaloia tokatzen zen. Eta zein suerte txarrarekin! aurkako batek zapata ortopediko erraldoi bat zuen eta muleta bat. Bizitzako beste aspektu batzuetan desabantail bat izan daitekeena, kasu horretan abantaila zen. Muleta hainka tartetik sartzen zigun erortzeko eta baloia lapurtzeko. Beti zeukan berak baloia eta ez ginen ausartzen berarekin sartzen, muletarekin belaunak beltz utziko zigulakoan. Korrika zihoanean ere muleta jartzen zuen bere aurrean eta ezin genion baloia kendu. Eta horrela kriston paliza eman ziguten hauek ere. Larunbat batean aurkitu nuen baloiarekin aurpegian eman zidan neska. Sudurretik heldu eta niri barrezka aurpegira. Kirolekin izan dudan esperientzia ez da izan oso ona, behintzat oroitzapen onak gelditu zaizkit baina gimnasioan bukatu dut.