Ur gaineko herrian

Siem Rapen gaude, ohetik jaiki berriak. Gaur berandu jaiki gara, atzo gauean oso nekatuta iritsi ginelako hainbeste bulta eta gero. Egia esan, ez daukagu planik. Angkorrera joateko indarrik ez daukagu. Baina, Kanbodiari buruzko guidan Siem Reap inguruan ur gaineko herri bat dagoela irakurri dut, eta pentsatu dut interesgarria izan daitekeela jende horren bizimodua ezugutzea.
Hostelekoek harremanetan jartzen gaituzte hara joateko guida batekin. Harek tuk-tukean eramango gaitu lakuraraino, eta han bote bat hartuko dugu ur gaineko herrira joateko.
Herri flotantea ikaragarria da. Jendea lakuaren gainean eraikitako etxeetan bizi da. Umeak alde guztietatik ikusten dira. Batzuk kanoa lasterketetan. Beste batzuk aldiz bere etxeetatik pasatzen den guztiak saludatu eta kontenplatzen dituzte. Irribarreak besterik ez dira ikusten.
Bitartean, heldu gehieneak arrantzan ari dira lakuako beste tokiren batean.
Etxe batera igo gara, eta han bertan harrapatutako arrai bat eta ganbak bazkaldu ditugu.
Ondoren, baso murgilduan sartu gara. Oraingoan kanoa estu baten gainean non ezin garen gehiegi mugitu uretara erori ez gaitezen. Ikaragarri polita da.