Nola biziraun jakinduriaren gizartean

Ikus-entzunezko ikasle bezala, esanda doa desinformazioaren aurka etengabe lan egitea nire lehentasunetariko bat dela. Informazio masiboak irensten gaitu eta horren aurrean aktiboak izatea ezin bestekoa da.

Komunikazioaren globalizazio batengatik apustu egitea onuragarria izan liteke, baina argi izan behar dugu maneiatzen zailago izango dela eta badela gugandik at mantendu behar dugun desinformazioaren zurrunbilo kaotikotiko bat. Norberak bere buruaren autokritika egin, eta jasotako informazioaren gestio egoki bat egiten ari den edo ez pentsatu behar luke. Beharrezkoa zaigun informazioa hartzen dugu bakarrik? Ala medioek barnerarazi nahi diguten guztia hartzen dugu?

Gure senaren parte da beharrezkoa ez zaigun informazioa ahazteko gaitasuna eta ezin bestekoa da teknika horri erabilera egoki bat emateko gai izatea. Une oro komeni da gai horretan entrenatzea zaharkiturik gera ez dadin, eta batez ere, jasotzen dugun informazio berri guztiak bere lekua izan dezan burmuinean.

Lehenbizi, hori bai, interesgarriak zaizkigun datu horiek desberdindu eta sailkatu beharko ditugu gure lehentasunen filtro pertsonaletik pasaraziz, alferrikakoak izan ez daitezen eta geure burua gehiago nahastu ez dezaten.