Herrien arteko XI. Folklore-jaialdia!

Aurten ere Barakaldoko Ibarrakaldu dantza taldeak hitzik gabeko ekitaldia eskeini digu Barakaldoko Antzokian.
 

Orain dela hamaika urte hasi zen proiektu berri hau eta antza denez, oraindik martxan dabil Barakaldo eta bere ingurunetan dagoen arrakastagatik. Urtero kanpoko bi herri desberdin etortzen dira bere musika eta dantzak aurkezteko. Aurten, Granada (Baza) eta A Coruña (Catalmibre) izan dira zubia gure herrian gozatzeko aukera izan dutenak. Beste urteetan berriz, Belgikatik, Menorkatik, Frantziatik eta Italiatik etorri dira besteak beste.

Gonbidatu berezi horiez gain, musikan ere beste talderen bat gehiago gonbidatzen dute. Aurten, Eusko-lorak dantza taldeari tokatu zaio, bere 50. urteurrena ospatzen dutelako. Beste batzuk, esaterako, Barakaldoko txistulariak eta banda-munizipala izaten dira.

Jaialdia asteburu osoko gauza izaten da. Ostiral arratsaldean hasi musika-emanaldiarekin eta larunbat arratsalde-gauez bukatu dantza-emanaldiarekin. Bertan, herri bakoitzak bere musika estiloa, ohikoak diren soinu tresnak, bere dantzak eta dantzatzeko era  erakusteko aukera paregabea izaten dute. Horiek guztiak dira egitasmo honen helburuak, kultura ezberdinak ezagutzea; aldi berean, dantzarien arteko harremana piztea, afizinoak trukatzea.

Gezurra dirudu batzuk hain “hurbil” izanda, kultura hain ezbedinak izatea!!!