Euskaraz seguruago kanpaina Kontseiluaren eskutik

Euskaraz bai dinamikaren helburu nagusia da herri mailako gizarte-eragileek eta entitateek, instituzioek eta norbanakoek euskararen erabilera normalizatzeko konpromisoak hartu eta betetzea.

     Konpromisoak hartzea baino garrantzitsuagoa da horiek betetzea. Jakina da entitate konpromiso-hartzaileek oztopoak topatzen dituztela barne-mailako zenbait neurri garatzeko orduan, hala nola, aseguruak.

Prozedura

Herrietako enpresak, saltegiak eta era guztietako entitateak gonbidatuko ditugu beren aseguruak euskaratzera. Horretarako, eskaria beren aseguru-bulegoari edota aseguru-etxeari luzatzea proposatuko diegu. Bide batez, Kontseilua zuzenean jarriko da harremanetan aseguru-etxe horiekin, euskarazko zerbitzua eskaintzeko eskaria luzatzeko, eskatzaileen izenean.

Parte-hartzaileak

Ekimenean ere parte hartuko dute Hizkuntz Eskubideen Behatokiak eta Ziurtagiriaren Elkarteak.

     Norbanakoak ere gonbidatu nahi ditugu bere aseguru-etxeei eskariak egitera. Horretarako, herriz herriko ikastola eta ikastetxeetako guraso eta irakasleei, euskaltegietako ikasleei, eta euskara talde eta kultur taldeetako kideei ere egingo diegu parte hartzeko deia.

     Euskaraz seguruago kanpainak aseguru-etxeek eskaintzen diguten zerbitzua euskaraz ere jasotzea du helburu.

     Norbanako euskaltzaleei ere luzatzen dizuegu Euskaraz seguruago kanpainan parte hartzeko deia.

     Zure aseguru-etxeari asegurua euskaratzeko eskaria eginez. Horretarako, web orri honetan bertan topatuko duzun eskabide-orriaren bi ale inprimatu, bete eta zure aseguru-etxeari edota bitartekariari eraman, aldatu nahi duzun aseguruaren kopia gehituta. Eskabidearen ale bati sarrera-zigilua jartzeko eskatu aseguru-etxeari, eta zuretzat gorde.

     Eta bestetik, aseguru-etxe nagusiei luzatuko zaien eskari zabalean parte hartzea. Horretarako, eta parte hartu nahi izanez gero, bete zure datuak Kontseiluak bidal diezaien aseguru-etxeei, baita zure izenean ere, aseguruak euskaratzeko eskaria (irakurri).